اسلام آباد ۔ 19 اپریل (اے پی پی) صدر مملکت ڈاکٹر عارف علوی آکھیے جو ملک دی سماجی و اقتصادی ترقی، تخفیف غربت کیتے آئی ٹی اچ تحقیق دی ودھ لوڑھ اے،حکومت آئی ٹی دے شعبہ دی صلاحیت اتے اہمیت جانڑدی اے اتے ایکوں قومی ترجیح بنڑایا گئے۔ اے گالھ انہاں وزیراعظم دی ٹاسک فورس برائے آئی ٹی و ٹیلی کام ولوں ایوان صدراچ بریفنگ اچ آکھی۔ وفاقی وزیر انفارمیشن ٹیکنالوجی و ٹیلی کام ڈاکٹر خالد مقبول صدیقی وی ایں موقع تے موجود ہن۔صدر آکھیا جو چوتھا صنعتی انقلاب ساڈا جیونڑ بدلیندا پئے،نویاں ٹیکنالوجیزنال چنگیاں تبدیلیاں آندیاں پین، ایں سانگے نویکلے تصورات اتے نویںا قدامات دی لوڑھ اے۔ انہاں یقین ڈیوایا جو ٹاسک فورس دے بنیادی مقاصد آئی ٹی اتے ٹیلی کام ڈھانچے دے جائزہ ااتے ایندی چنگائی کیتے سفارشاں دے نال نال غربت مکاونڑ اتے کاروبار ودھاونڑ کیتے پورا تعاون کیتا ویسی۔
مضمون کا ماخذ : اسرار ریلز
