اسلام آباد ۔ 6 اپریل (اے پی پی) وزیر خارجہ مخدوم شاہ محمودقریشی آکھیے جو پاکستان، شنگھائی تعاون تنظیم کوں ہک اہم فورم سمجھدے،کورونا وائرس کوں کھنڈنڑ توں روکنڑ کیتے شنگھائی تعاون تنظیم ولوں مشترکہ کوششاں دی لوڑھ اے۔اے گالھ انہاں شنگھائی تعاون تنظیم دے سیکرٹری جنرل ولادی میرنوروف کوں ٹیلی فون تے آکھی اتے کورونا وائرس دی عالمی وبا دے پھیلاو کوں روکنڑ کیتے لائحہ عمل بارے الوائے۔ترجمان دفتر خارجہ موجب وزیر خارجہ کرونا دے خلاف پاکستان دے اقدامات بارے ڈسائے۔انہاں چین ولوں وبا تے تیکھے قابو پاونڑ تے تعریف کیتی اتے پاکستان نال ہرھ ونڈاونڑ تے وی شکریہ ادا کیتے۔انہاںا ٓکھیے جو ایں عالمی چیلنج نال نمٹنڑ کیتے چین دی حکمت عملی موثر رہی اے،ایں سانگے ایس سی او وزرائے صحت کانفرنس ایں وبا کوں روکنڑ کیتے اہم ثابت تھیسی،پاکستان سارک ممالک دی وزرائے صحت ویڈیو کانفرنس دا تانگھی اے تاں جو کرونا نال نبڑن کیتے ہک بئے دے تجربیاں توں فیدہ چاتا ونج سگے۔وزیر خارجہ سیکرٹری جنرل ایس سی او کو ں ایں وبائی صورتحال اچ ترقی پذیر ممالک دیاں معیشتاں کوں سنبھالنڑ کیتے واجب الادا قرضیاںدی ری سٹرکچرنگ دی پاکستان دی تجویز وی ڈسائی اتے امید کیتی جو شنگھائی تعاون تنظیم وی ایں بارے اپنڑا بھرپور کردار اداکریسی۔
کورونا وائرس کوں کھنڈنڑ توں روکنڑ کیتے شنگھائی تعاون تنظیم ولوں مشترکہ کوششاں دی لوڑھ اے، وزیر خارجہ مخدوم شاہ محمودقریشی دی ایس سی اودے سیکرٹری جنرل ولادی میرنوروف نال ٹیلی فون تے گالھ مہاڑ
مضمون کا ماخذ : sorteos da loteria
متعلقہ مضامین
