اسلام آباد۔12مارچ (اے پی پی) وفاقی وزیر اطلاعات تے نشریات سین??ٹر شبلی فراز آکھیا جو صادق سنجرانی دی کامیابی پی ڈی ایم دی سیاست کوں ہمیشہ سانڳے دفن کر ݙتے۔ انہاں آکھیا جو ??زیراعظم عمران خان کوں اعتماد دے ووٹ دے بعد ایوان بالا دے چیئرمین دے الیکشن اچ ہک وݙی کامیابی ملی اے۔ عمران خان ملک کوں اڳوں گھن تے ونجݨ چاہندن جڈانجو اپوزیشن کرپشن، لٹ مار اتے ذاتی جائیداداں دا ایجنڈا گھن کراہیں اڳوں ودھدی پئی اے۔ اڄ دے الیکشن توں اے ثابت تھی ڳئے جو ??سلم لیگ ن پیپلز پارٹی دے کنڈ اچ چھری پھیری اے۔ پاکستان تحریک انصاف اتحادی جماعتاں دے تعاون نال قانونی، اخلاقی اتے جمہوری رستے اختیار کریندیں ہوئیں چیئرمین سینیٹ دے الیکشن اچ کامیابی حاصل ??یتی۔ پی ڈی ایم ہر ڄاہ وانگوں پارلیمنٹ توں وی مسترد تھی ڳئی اے۔ او جمعے کوں پارلیمنٹ ہائوس دے میڈیا بریفنگ روم اچ سین??ٹر فیصل جاوید دے رلے صحافیاں نال ڳالھ مہاڑ کریندیں پئے ہن۔ وفاقی وزیر سین??ٹر شبلی فراز آکھیا جو ??لک اچ قانون دی حکمرانی سانڳے وزیراعظم عمران خان دے ہتھ مظ??وط کرݨ سانڳے ساکوں پہلے توں ودھ محنت کرݨا پمسی۔ انہاں آکھیا جو عمران خان ہک نڈر، سچے کھرے اتے بہادر لیڈر ہن، او ملک اتے قوم کوں ترقی آلے پاسے ڳھن ویسن۔ جیڑھے لوک ذاتی فائدے سانڳے کم کریندے پئن اتے پیسے دی سیاست تے چلدے پئن انہاں کوں سبق مل ڳئے۔
