اسلام آباد۔15جون (اے پی پی) وزیر اعظم شهباز شریف او د سلطنت عمان سلطان هيثم بن طارق امت مسلمه لپاره د امن او يو والي دعا كړې ده۔ د وزیر اعظم آفس میډیا ونګ لخوا د خالي په ورځ د جاري شوې اعلاميې له مخې د وزيراعظم شهباز شريف او د سلطان عمان د سلطان هېثم بن طارق ترمينځه ټېلېفوني خبرې وشوې۔ دواړو مشرانو د لويې اختر د خوشحالۍ په موقعه يو بل له مباركي وركولو سره يو بل لپاره د نېكو هيلو څرګندونه وكړه۔ وزیراعظم د عمان سلطان ٬ حكومت او عماني اولس ته د لويې اختر مباركي وركولو سره د عمان سلطان او اولس لپاره د نېكو هيلو څرګندونه وكړه۔ د عمان سلطان هم وزيراعظم شهباز شريف ته د لويې اختر مباركي وركړه او ده لپاره يۍ د نېكو هيلو څرګندونه وكړه۔ دواړو لارښودو اسلامي نړۍ لپاره د امن او يو والي دعا وكړه۔ خپلو خبرو كښې دواړو مشرانو د پاكستان او عمان ترمينځه د ملګرتيا او ورورولۍ رشتې لا مضبوطولو له د خپل عزم پخلے وكړو كومه چې په ګډو اقدارو او متقابل احترام اډانه لري۔ دوئي په دوه اړخيزه اړيكو او بېلو څانګو كښې د همكارۍ په لا پياوړتيا هم د خيالاتو څرګندونه وكړه۔ دواړو لارښودو په سيمه ايز صورتحال او په خاص توګه د فلسطين په صورتحال خبرې وكړې۔ دوئي په سيمه ايزه او نړيواله كچه امن ٬ استحكام او سوكالۍ ته وده وركولو له په ګډه د كار په روان ساتلو موافقه هم وكړه۔ وزیراعظم د عمان سلطان ته زر تر زره د پاكستان دورې كولو بلنه وركړه۔
د وزیراعظم شهباز شریف او د سلطنت عمان سلطان هيثم بن طارق امت مسلمه لپاره د امن او يو والي دعا
مضمون کا ماخذ : como apostar na mega sena
متعلقہ مضامین
