اسلام آباد ۔ 30 جنوری (اے پی پی) وزیر خارجہ مخدوم شاہ محمود قریشی اومانی ہم منصب یوسف بن علوی نال ملاقات کیتی ۔ بدھ کوں وزارت خارجہ ولوں جاری بیان دے مطابق ملاقات اچ ڈوپاسے تعلقات، خطے دی تازہ ترین صورتحال اتے عالمی امور تے گال مہاڑ کیتی گی۔ ایں موقع تے پاکستان اتے اومان دے وزرائے خارجہ مختلف شعبیں اچ سانجھے تعاون کوں ودھاونڑ دے طریقہ کار دا جائزہ گھدا۔وزیر خارجہ مخدوم شاہ محمود قریشی وزیراعظم پاکستان دی ہمسایہ ملکاں نال بہترین تعلقات دی پالیسی تے روشنی پاتی ۔ ایں موقع تے مخدوم شاہ محمود قریشی آکھیا جو ڈوہیں ملکاں وچال عوامی سطح دے رابطے کوں ودھاونڑ کیتے سینٹ فرینڈ شپ گروپ کو ں فعال بنڑایا ویسی ۔ڈوہیں ملکاں دے وزرائے خارجہ وفد دی سطح تے وی مذاکرات کیتے۔ وزیر خارجہ مخدوم شاہ محمود قریشی اپنڑے اومانی ہم منصب کوں دورہ ءپاکستان دی دعوت ڈتی۔
مضمون کا ماخذ : ٹمپل ٹمبل
