اسلام آباد ۔ 23 ستمبر (اے پی پی)وفاقی وزیر آبی وسائل فیصل واوڈا آکھیے جو نون لیگ مولانا فصل الرحمان دے دھرنے اچ شامل کائناں تھیسی۔ سنوار کوں ہک نجی ٹیلی وی چینل دے پروگرام اچ گالھ مہاڑ کریندے ہوئیں انہاں آکھیا جو نون لیگ مولانا فصل الرحمان دے دھرنے اچ شامل کائنا ں تھیسی ۔ایہ صرف ٹائم گھندے پن۔ انہاں آکھیا جو اسلام آباد لاک ڈان کرنڑ دیاں گالھیں ایں سانگے تھیندیاں پن ،تاں جو احتساب دا عمل روکیا ونج جا سگے۔ فیصل واوڈا آکھیا جو کشمیر دے مسلئے تے ساری اپوزیشن کوں حکومت دے نال رل مل تے ہک پلیٹ فارم تے کھڑن چاہیدے۔ ڈینگی بارے انہاں دا آکھنڑ ہا جو اساڈی حکومت ایں تے پوری ذمہ داری نال کم کر یندی پی ہے ،تاں جوایں وبا کوں منڈھوں مکایا ونج جا سگے ۔
مضمون کا ماخذ : کمپیوٹر لاٹری کا جیک پاٹ
