اسلام آباد ۔ 8 اکتوبر (اے پی پی) بھارتی ڈپٹی ہائی کمشنرآہلو والہ کوں دفتر خارجہ اچ سڈ تے بھارتی فورسزولوں کنٹرول لائن تے جنگ بندی دی بلا اشتعال خلاف ورزیاں تے شدید احتجاج ریکارڈ کرایا گیا۔ترجمان دفتر خارجہ مطابق ڈائریکٹر جنرل(جنوبی ایشیاءو سارک) ڈاکٹر محمد فیصل منگل کوں بھارتی ڈپٹی ہائی کشمنر گوروف آہلو والہ کوں دفتر خارجہ سڈیا اتے 6 تے7 اکتوبر کوں بھارتی فورسز ولوں کنٹرول لائن تے جنگ بندی دی بلا اشتعال خلاف ورزیاں دی شدید مذمت کیتی۔ بھارتی فورسز ولوں چیری کوٹ سیکٹر اچ بلا اشتعال فائرنگ دے نتیجے اچ 69سال دی بڈھڑی مائی نذیرہ بیگم زوجہ محمد حسین شہید جڈاں جو ہک تریمت سمیت بئے ترائے شہری زخمی تھئے۔ ترجمان دا آکھنڑ ہا جو بھارتی فورسز ایل او سی اتے ورکنگ باونڈری تے شہری آبادی کو ں مارٹر اتے خودکار ہتھیاراں نال مسلسل نشانہ بنڑیندے پن۔ جیرھا جو افسوسناک ،انسانی وقار اتے انسانی حقوق دے بین الاقوامی قوانین دی خلاف ورزی ہے۔ ترجمان آکھیا جوبھارت ولوں جنگ بندی دی خلاف ورزیاں نال علاقائی امن تے سلامتی کوں خطرہ ہے ،جیرھا جو کہیں وی وڈی سٹریٹیجک غلط فہمی دی وجہ بنڑ سگدے۔ انہاں بھار ت تے زور ڈتا جوا وہ 2003 دے جنگ بندی معاہدے دا احترام کرے، جنگ بندی دی خلاف ورزیاں دے موجودہ اتے بئے واقعات دی تحقیقات کراوے اتے اپنڑیں فورسز کوں جنگ بندی دا حقیقت اچ احترام کرنڑ دی ہدایت کرے اتے کنٹرول لائن اتے ورکنگ باونڈری تے امن برقرار رکھے۔
بھارتی ڈپٹی ہائی کمشنرآہلو والہ دی دفتر خارجہ طلبی پاکستان ، بھارتی فورسز ولوں کنٹرول لائن تے جنگ بندی دی بلا اشتعال خلاف ورزیاں تے شدید احتجاج کیتے
مضمون کا ماخذ : کڑک
متعلقہ مضامین
