اسلام آباد ۔ 30 مئی (اے پی پی) وزیراعظم شاہد خاقان عباسی تیل و گیس دے شعبے اچ حکومت دی پنج سالہ کارکردگی کوں بے مثال قرار ڈیندے آکھیے جو تیل و گیس دے شعبے اچ حکومتی کارکردگی بے مثال اے،گیس، تیل ، ایل این جی اتے ایل پی جی شعبیاں اچ کامیابیاں ملین،اج صارفین کوں تسلسل نال سستی گیس ملدی پئی اے، تاپی گیس پا??پ لائن تے کم تھیندا پئے،انتخابات آئینی مدت اچ تھیونڑ لازمی ہین،جیہڑا ایندی خلاف ورزی کریسی اوندے تے آئین دا آرٹیکل چھی لگنڑا چاہیدے،جیں الزام لاونڑے میڈے تے لاوے،سارے جواب ڈیساں،خمیس دی رات 11وج تے 59 منٹ 59 سیکنڈ تئیں کم جاری رکھیساں۔تیل و گیس دے شعبے اچ پاکستان مسلم ل??گ (ن)حکومت دی 5سالہ کارکردگی سانگے پریس کانفرنس کریندے ہوئیں وزیر اعظم آکھیے جو تیل و گیس دے شعبے کوں اعلیی عالمی معیارات تے گھن ونجنڑتے خوشی اے، قطر معاہدے پا??وں دنیا اچ سستی ترین ایل این جی پاکستان گھن آئے ہیں،دنیا دیاں و??یان کمپنیاں ایل این جی شعبے اچ ارباں ڈالردی سرمایہ کاری کریندیان پن،پہلی واری200 ارب روپے دی لاگت نال 1700 کلومیٹر گیس پا??پ لائن اتے 25 ہزار کلو میٹر ڈسٹری بیوشن پا??پ لائن وچھائی گئی اے، عالمی معیاردیاں 3 نویاں آئل ریفائنریاں قائم کیتاں وینداں پن۔ انہاں آکھیے جو انتخابات بارے کئی گالھیں تھیندیان پن،جیندی پرواہ نئیں، آئین دے مطابق الیکشن تھیونڑے چاہیدن۔انہاں آکھیے جو ایل این جی سستا ترین معاہدہ اے ،جیں الزام لاونڑے میڈے تے لاون میں آپ ہر کہیں ک??ں جواب ڈیساں،کی??ں جو میڈا داون صاف اے، وزیر اعظم بنڑن توں بعد میڈا مال جائیداد گھٹیا تاں ہے ودھیا نئیں،کہیں حساب گھنڑے تے آ کے گھن گھنے،پنج سال دی حکومت دے دوران کہیں ہک سکینڈل یا الزام دا ڈساومیں جواب ڈیساں۔
وزیراعظم شاہد خاقان عباسی دی تیل و گیس دے شعبے اچ پاکستان مسلم لیگ (ن)حکومت دی 5سالہ کارکردگی سانگے پریس کانفرنس
مضمون کا ماخذ : لاٹری ٹکٹ کے فوائد
متعلقہ مضامین
