اسلام آباد ۔ 23 اپریل (اے پی پی) صدر مملکت ڈاکٹر عارف علوی آکھیا جو اجوکی صورتحال اچ بالاں کوں ٹیلی سکول نال فاصلاتی تعلیم ڈیونڑ اہم قدم اے،ایں اوکھے ویلھے اے تعلیم ڈیونڑ دا بہترین اتے سوکھا طریقہ اے،آن لائن طریقے نال بالاں دا ویلھا ضائع تھیونڑ توں بچ ویسی،ٹیلی سکول نال تعلیم ڈیونڑ اچ استادیں دا عزم،حوصلہ اتے کارکردگی تعریف دے قابل اے۔اے گالھیں انہاں اسلام آباد کالج فار گرلز ایف سکس اچ ٹیلی سکول پراجیکٹ دے دورے دے موقع تے گالھ مہاڑکریندیں ہوئیں آکھی۔ایں موقع تے خاتون اول بیگم ثمینہ علوی وی موجود ہن۔صدرمملکت کوں دورے وچال ٹیلی سکول دے طریقہ کار،نصابی مواد اتے بئے معاملیاں تے بریفنگ ڈتی گئی ۔انہاں آکھیا جو اجوکی صورتحال اچ بالاں کوں ٹیلی سکول نال فاصلاتی تعلیم ڈیونڑ اہم قدم اے،اے اساں سانگے فاصلاتی تعلیم کوں ودھاونڑدا بہترین موقع اے۔انہاں آکھیا جو وزارت تعلیم اتے پیشہ وارانہ تربیت اوکھے ویلھے بالاں کوں آن لائن طریقے نال تعلیم ڈیونڑ دی کوشش کریندی پئی دے جیڑھی جو تعریف دے قابل اے۔انہاں آکھیا جو ٹیلی سکول نال مواصلاتی تعلیم ڈیونڑ سانگے وزارت تعلیم و پیشہ وارانہ تربیت علامہ اقبال اوپن یونیورسٹی دے عملہ اتے استادیں شاندار کارکردگی ڈکھائی اے۔
اجوکی صورتحال اچ بالاں کوں ٹیلی سکول نال فاصلاتی تعلیم ڈیونڑ اہم قدم اے،صدر مملکت ڈاکٹر عارف علوی دی اسلام آباد کالج فار گرلز ایف سکس اچ ٹیلی سکول پراجیکٹ دے دورے دے موقع تے گالھ مہاڑ
مضمون کا ماخذ : loterias da caixa
متعلقہ مضامین
