اسلام آباد ۔ 5 اپریل (اے پی پی) وزیراعظم دی معاون خصوصی برائے تحفیف غربت تے سماجی تحفظ ڈاکٹر ثانیہ نشتر آکھیا جو حکومت پاکستان ولوں احساس ا یمرجنسی کیش پروگرام تے تکھے کم تھیندا پئے،پروگرام توں وفاقی حکومت ہک کروڑ 20لکھ ٹبراں کوں 12ہزار روپے فی ٹبر ڈیسی۔پروگرام توں چاریں صوبیاں توں علاوہ کشمیر اتے گلگت بلتستان دے لوک وی فائدہ چیسن۔احساس کفالت پروگرام آلی تریمتیں کوں وی چار مہینے سانگے 12ہزار روپے یکمشت ڈتے ویسن۔اتوار کوں پریس کانفرنس اچ انہاں ڈسیا جو ہنگامی کیش پروگرام سانگے این ایف سی دے تحت نی آبادی دے لحاظ نال رقم رکھی گئی اے کیونجو ایں اچ گلگت بلتستان اتے کشمیر دے لوک وی شامل ہن۔انہاں آکھیا جو صوبے اپنڑے بجٹ اچ وی مستحق بندیاں دی مدد کریسن۔پنجاب 7لکھ اتے سندھ اڈھائی لکھ لوکاں کوں پیسے اپنڑے بجٹ توں ڈیسی۔ایں توں علاوہ ضلعی سطح تے ضرورت منداں دی فہرست بنڑاونڑ دا آکھیے۔ودھ درخواستاں دی صورت اچ پروگرام ودھایا ونج سگدے۔انہاں آکھیا جو ہنگامی کیش پروگرام دی پڑتال دا موثر طریقہ اپنائے اتے ایں عمل اچ شفافیت کوں یقینی بنڑایا ویسی۔سٹیٹ بینک دے تعاون نال ڈیٹا کٹھا کریندے پیوں۔ایں توں انج ایف بی آر اتے بئے اداریاں توں وی تعاون گھندے پیوں۔ہنگامی کیش سانگے شناختی کارڈ نمبر8171تے بھیجنڑاں اے۔اتے ایں پروگرام نال مرداں دے ناں تے رقم جاری کیتی ویسی۔انہاں آکھیا جو پروگرام سانگے 144ارب روپے دی رقم رکھی گئی اے۔
حکومت پاکستان ولوں احساس ا یمرجنسی کیش پروگرام تے تکھے کم تھیندا پئے،پروگرام توں وفاقی حکومت ہک کروڑ 20لکھ ٹبراں کوں 12ہزار روپے فی ٹبر ڈیسی،ڈاکٹر ثانیہ نشتر
مضمون کا ماخذ : لوٹیریا کا اطلاق
متعلقہ مضامین
