اسلام آباد ۔ 10 جون (اے پی پی) وزیر خارجہ مخدوم شاہ محمود قریشی آکھیے جو عالمی وبائی چیلنج دنیا کوں بہوں تکھے بدال ڈتے ، مزید تبدیلیاں ویلھے دے نال نال سامنڑے آسن، اساکوں تکھے بدلدی ہوئی صورت حال اچ اگوں ودھنڑ کیتے آپنڑے آپ کوں تیار رکھنڑاں ہوسی ۔ او بدھ کوں وزارت خارجہ اچ سینئر افسران توں خطاب کریندے پئے ہن ۔ انہاں آکھیے جو اج دنیا اچ وڈے وڈے اہم اجلاس ، کانفرنساں ویڈیو لنک دے ذریعے تھیندیاں پئن ، اساکوں اپنڑے آپ کوں ڈیجیٹلائز کرنڑاں ہوسی تاں جو اساں اپنڑاں نکتہ نظر موثر انداز اچ دنیا دے سامھیں پیش کر سگوں ۔ اساکوں بدلدی صورت ھال دنیا دے تیور توں آگاہی حاصل کریندے ہوئیں اپنڑی حکمت عملی کوں وضع کرنڑاں ہوسی اساں اپنڑے خارجہ پالیسی دے اہداف کوں احسن طریقے نال توڑ پجا سگدوں ۔وزیر خارجہ آکھیے جو اساڈے سفارت کار، پوری دنیا وچ سفارت کاری دے اسرار و رموز اچ مہارت دے حوالے نال جانڑیے ویندن لیکن اساکوں اپنڑی استعداد کوں مزید ودھاونڑ کیتے رل تے کوششاں کرنڑیاں پوسن ۔ وزیر خارجہ آکھیے جو وزارتِ خارجہ کوں جدید خطوط تے استوار کرنڑ کیتے ہر قابل عمل تجویز کوں خوش آمدید اکھیساں ۔ انہاں آکھیے جو وزارت خارجہ اچ پبلک ڈپلومیسی مشاورتی گروپ دا قیام عمل اچ گھن آیا گئے جیں اچ تجربہ کار ماہرین کوں رلایا گئے ۔
عالمی وبائی چیلنج دنیا کوں بہوں تکھے بدال ڈتے ،وزیر خارجہ مخدوم شاہ محمود قریشی دا وزارت خارجہ اچ سینئر افسراں توں خطاب
مضمون کا ماخذ : گونزو کی تلاش
متعلقہ مضامین
