اسلام آباد ۔ 2 جون (اے پی پی) وزیر اعظم عمران خان وفاقی دارالحکومت دے قدرتی حسن کوں محفوظ رکھنڑ تے ماحولیات دے تحفظ دی اہمیت تے زور ڈیندے ہوئیں آکھیے جو ماضی اچ ناجائز تجاوزات اتے قبضہ مافیا دیاں کاروائیاں پاروں وفاقی دارالحکومت اچ واقع گرین ایریاز کوں ضیان تھئے ،گرین ایریاز دے تحفظ کیتے ہر ممکن اقدامات ترجیحی بنیاداں تے چاتے ونجن ۔ اے گال انہاں منگل کوں مشیر موسمیاتی تبدیلی ملک امین اسلم نال ملاقات کریندے ہوئیں آکھی اے ۔ ایں موقع تے معاون خصوصی علی نواز اعوان، سیکرٹری داخلہ، چیئرمین سی ڈی اے تے بئے سینئر افسران وی وی موجود ہن ۔ ملک امین اسلم وفاقی دارالحکومت دے قدرتی حسن اتے ماحولیات دے تحفظ دے حوالے نال وزارت ماحولیات ولوں شروع کیتے ونجنڑ آلے مختلف منصوبیں تے وزیر اعظم کوں بریفنگ ڈتی ۔ انہاں منصوبیں اچ بوٹینیکل گارڈن دا قیام، مارگلہ ہلز نیشنل پارک دا تحفظ اتے ودھارے، وفاقی دارالحکومت دی تزئین و آرائش اتے اسلام آباد چڑیا گھر دی اپ گریڈیشن دے منصوبے شامل ہن ۔ وفاقی دارالحکومت اچ واقع گرین ایریاز دے تحفظ کیتے اجلاس اچ فیصلہ کیتا گئے جو ایجھے سارے گرین ایریاز دی نشاندہی کرتے انہاں کوں مارگلہ ہلز نیشنل پارک دا حصہ بنڑایا ونجے ۔ وفاقی دارالحکومت اچ واقع کمرشل ایریاز ، سرکاری و پرائیویٹ دفتراں دے باہروں تے نیڑے گرین ایریازاچ واقع کار پارکنگ دے مسئلے تے گال کریندے ہوئیں وزیر اعظم مشیر ماحولیات، سی ڈی اے اتے اسلام آباد انتظامیہ کوں ہدایت کیتی جو مسئلے دے حل کیتے تجویزاں کوں آندے ڈو ہفتے تئیں چھیکڑی شکل ڈتی ونجے ۔
ماضی اچ ناجائز تجاوزات اتے قبضہ مافیا دیاں کاروائیاں پاروں وفاقی دارالحکومت اچ واقع گرین ایریاز کوں ضیان تھئے ،گرین ایریاز دے تحفظ کیتے ہر ممکن اقدامات ترجیحی بنیاداں تے چاتے ونجن، وزیر اعظم عمران خان دی مشیر موسمیاتی تبدیلی ملک امین اسلم نال گال مہاڑ
مضمون کا ماخذ : sorteos da loteria
متعلقہ مضامین
