اسلام آباد ۔ 29 مارچ (اے پی پی) قومی فنانس کمیشن ( این ایف سی)دا پنجواں اجلاس وفاقی وزیر خزانہ اسد عمر دی صدارت اچ لاہور اچ تھیا۔فروری اچ پہلے اجلاس اچ بنڑائے گئے چھی ذیلی گروپاں اپنڑے گروپاں کوں ڈتے گئے اہداف دے ٹرمز آف ریفرنس دے مطابق وسائل دی ونڈ دے مختلف پہلواں بارے پریزینٹیشن ڈتی ۔کمیشن دے اراکین چھی ذیلی گروپاں دے اپنڑے اجلاس اچ کیتے گئے کم دی تعریف کیتی۔اے اتفاق کیتا گیا جو ذیلی گروپ اپنڑاں کم جاری رکھیسن اتے آندے اجلاس اچ رپورٹس پیش کریسن۔چیئرمین دی غربت دے خاتمہ سانگے مراعات اتے سماجی شعبے تے خرچیاں کوں وی تفصیلی بحث دا حصہ بنڑاونڑ دی تجویز ڈتی گئی ۔ این ایف سی ایوارڈ کوں 31 دسمبر 2019ءتئیں چھیکڑی شکل ڈیونڑ دی کوششاں تے وی اتفاق کیتا گیا۔کمیشن دا آندا اجلاس اپریل 2019ءدے چھیکڑ اچ کرنڑ تے وی اتفاق کیتا گیا ۔
مضمون کا ماخذ : اٹلانٹس کا بادشاہ
