اسلام آباد ۔ 18 فروری (اے پی پی) سعودی عرب دے وزیرخارجہ عادل الجبیر آکھیے جو پاکستان اتے سعودی عرب نیڑے تزویراتی اتے قتصادی تعاون دے ذریعے ترقی دے اہداف حاصل کرنڑ دے پاسے ٹردے پن۔ سنوار کوں اتھاں وزیرخارجہ شاہ محمودقریشی دے رلے سانجھی پریس کانفرنس کریندے ہوئیں سعودی وزیرخارجہ آکھیا جو ڈوہیں ملکاں وچال تعلقات کوں مزید ودھاونڑ کیتے پاکستان اتے سعودی عرب انسداد دہشت گردی، معیشت، عوامی رابطے تے ثقافت دے شعبیں اچ اہداف دے حصول کیتے روڈ میپ وضع کریندے پن۔ پاکستان اچ سعودی عرب دے پاسوں 20 ارب ڈالر دی سرمایہ کاری دے سوال تے عادل الجبیرآکھیے جو سعودی سرمایہ کاری دا مقصد پاکستان دی اقتصادی ترقی کیتے مدد کرنڑاے، اے ڈوہیں ملکاں دے سانجھے فائدے دی سرمایہ کاری اے ۔انہاں آکھیا جو سعودی عرب دے ولی عہد شہزادہ محمد بن سلمان اتے وزیراعظم عمران خان دی موجودگی اچ ڈوہیں ملکاں وچال مفاہمت دیاں 7 دستاویزات تے دستخط تھن ، ڈوہیں ملکاں وچال تعاون دے عملی نفاذ کوں ہنڑ ادارہ جاتی بنڑا ڈتا گئے ۔ وزیرخارجہ شاہ محمود قریشی آکھیا جو سعودی پاک سپریم کوآرڈینیشن کونسل دے تحت 10 ورکنگ گروپاں داقیام عمل اچ گھن آیا گئے جیں دے اجلاس ہر ترائے مہینے بعد تھیسن ، کوآرڈینیشن کونسل سلامتی، دفاع، انٹلی جنس تبادلہ، اتے توانائی دے شعبیں اچ رابطہ کاری کریسی جڈاں جو ڈوہیں ملکاں دی قیادت منصوبیں دے عملی نفاذ دی نگرانی کریسی ۔انہاں آکھیا جو سعودی پاک سپریم کوآرڈینیشن کونسل ہک جامع منصوبہ اے جیرھا جو ڈوہیں ملکاں دی قیادت دے وژن دے حصول دے تناظراچ وضع کیتا گے ۔انہاں آکھیا سعودی عرب ولوں پاکستانیاں کیتے ویزہ فیس تے نظرثانی تے سعودی حکومت دا شکریہ اداکیتا ۔ وزیرخارجہ آکھیا جو پاکستان اتےسعودی عرب وچال مضبوط اقتصادی رابطے نال سمندر پار پاکستانیاں کوں فائدہ تھیسی ،ایندے نال ملک اچ روزگار دےموقع ملسن ۔ سعودی عرب سیاحت کیتے کھلدا پئے تے مملکت اچ ڈو نویں شہر آباد کیتے ویندے پن ۔سعودی عرب دے وزیرخارجہ ملک دی ترقی اچ پاکستانی شہریاں بالخصوص ہنرمند افرادی قوت دے کردار دا اعتراف کریندے ہوئیں ایندی تعریف کیتی ۔انہاں آکھیا ڈوہیں ملکاں وچال عوامی رابطے یونیورسٹیاں دی سطح توں گھن تے فوجی اکیڈمیاں دی سطح تئیں قائم ہن ۔
پاکستان اتے سعودی عرب نیڑے تزویراتی و اقتصادی تعاون دے ذریعے ترقی دے اہداف کوں حاصل کرنڑ دے پاسے ٹردے پن، سعودی وزیرخارجہ عادل الجبیر دی وزیرخارجہ شاہ محمودقریشی دے رلے پریس کانفرنس
مضمون کا ماخذ : جنگل کی روح: جنگلی کی کال
متعلقہ مضامین
