اسلام آباد۔3مارچ (اے پی پی) وزیراعظم عمران خان اتے ازبکستان دےصدر شوکت مرزایوف دی سانجھی پریس کانفرنس کیتی۔ ایں موقع تے وزیراعظم عمران خان پریس کانفرنس توں خطاب کریندیں ہوئیں آکھیا جو ازبکستان دے صدر کوں پاکستان آوݨ تے خوش آمدید آک??دوں، ایں موقع تے وزیراعظم عمران خان آکھیا جو ازبکستان نال پراݨے تعلقات کوں مستحکم کریندے پیوں۔ وزیراعظم آکھیاجو ݙوہیں ملکاں وچال ہک سال دی تجارت اچ پنڄاہ فیصد ودھارا تھیے، ݙوہیں ملکاں وچال سانجھے منصوبیاں اچ پنڄ گنا ودھارا تھیے۔ وزیراعظم آکھیا جو پاکستان اتےازبکستان ظہیر الدین بابر تے سانجھی فلم بݨیندے پئن۔ ایں موقع تے انہاں آکھیا جو پاکستان اتےازبکستان وچال افغانستان دے رستے ٹرین رابطے تے ازبک صدر نال اتفاق کیتا ڳئے۔ انہاں آکھیا ازبک صدر کوں کشمیر دے مسئلے بارے ݙسائے اتے اسلاموفوبیا تے وی ݙوہیں دا ہکو سواں موقف اے۔ ݙومغربی ملکاں پاکستان دے اصولی موقف دی حمایت کیتی اے۔ وزیراعظم آکھیاجو ناموس رسالتﷺ تے ݙوہیں ملکاں کوں رل تے مہم چلاوݨی چاہیدی اے۔ ݙوہیں ملکاں وچال رابطے توں افغانستان وی فائدہ چیسی۔ انہاں آکھیا جو افغانستان دے منجمند اثاثے دی بحالی اتے انہاں کوں منݨ کیتے رلے کم کریسوں۔وزیراعظم آکھیا جو ازبک اتے اردو زبان وچال ترائے لفظ سانجھے ہن۔ ایں موقع تے ازبکستان دے صدر شوکت مرزایوف پریس کانفرنس توں خطاب کریندیں ہوئیں آکھیا جو پاکستان دی قیاد?? اتے عوام دا بھرپور مزمان نوازی تے شکریہ ادا کرینداں، دورہ پاکستان دا وݙی شدت نال انتظار ہا پر کورونا پاروں دیر تھئی اے۔ پاکستان نال سٹریٹجک تعاون دے ودھارے کیتے کم کریندے پیوں۔ وزیراعظم عمران خان نال مختلف معاملیاں تے ڳالھ مہاڑ وݙی تعمیری رہی اے۔ پاکستان نال اقتصادی تے تجارتی سطح تے تعلقات ودھاوݨ کیتے اقدامات کیتے ویسن۔ انہاں آکھیا جو ٹرانزٹ معاملات کوں حل کرݨ کیتے معاہدے کیتے ڳئن۔ ݙوہیں ملکاں وچال تعلقات خطے دی ترقی دا باعث بݨسن۔ ازبکستان دے صدر شوکت مرزایوف آکھیا جو افغانستان دی وگڑدی ہوئی صورتحال تے تشویش اے۔
وزیراعظم عمران خان اتے ازبکستان دےصدر شوکت مرزایوف دی سانجھی پریس کانفرنس
مضمون کا ماخذ : امکان ہے کہ میگا سینا
متعلقہ مضامین
