اسلام آباد۔ 30 جنوری(اے پی پی)وفاقی وزیر پاور ڈویژن عمر ایوب خان آکھیے جو حکومت ملکی ذرائع نال بجلی بنڑاونڑ کیتے کوشاں اے ، توانائی دی مارکیٹ کوں بجلی دی خریداری تے ویچنڑ کیتے اوپن کیتا ویسی ، لائن لاسز اتے لوڈ مینجمنٹ ودھ عرصے برداشت کائنی کیتی ونج سگدی ،کنڈا سسٹم اتے بجلی چوری دا خاتمہ کریسوں، بجلی چوری تے 1600 لوکاں کوں جیل بھیجا گے ،300 ملازماں کوں چارج شیٹ کر ڈتا گے ، 16 ہزار ایف آئی آرز درج کرائیاں گن ، ڈسٹری بیوشن نظام کوں بہتر بنڑا تے 31 مارچ تئیں مزید 3500 میگاواٹ بجلی کوں سسٹم اچ شامل کریسوں ،او بدھ کوں اتھاں سندھ مدرسة السلام دے استاداں تے طالب علماں نال ملاقات کریندے پئے ہن اتھاں گال مہاڑ کریندے ہوئیں انہاں آکھیا جو فرنس آئل نال پیدا تھیونڑ آلی بجلی دی قیمت 21توں 22 روپے فی یونٹ اتے پن بجلی دی قیمت 5 روپے فی یونٹ اے جڈاں جو اساں انرجی مکس تبدیل کرنڑچاہندوں، 2025ءتئیں قابل تجدید توانائی دی پیداوار انرجی مکس اچ 20 فیصد اتے 2030ءتئیں 30 فیصد تئیں ودھائی ویسی ۔ انہاں آکھیا ایں وقت اساڈی انرجی مارکیٹ اچ سی پی پی اے واحد خریدار اے، 9 تقسیم کار کمپنیاں کم کریندیان پن ، کے الیکٹرک دی نجکاری تھی گی اے ، اساں چاہندوں مارکیٹ کوں اوپن کیتا ونجے۔
حکومت ملکی ذرائع نال سستی تے تسلسل نال بجلی ڈیونڑ کیتے کوشاں اے ،وفاقی وزیر پاور ڈویژن عمر ایوب خان
مضمون کا ماخذ : کلیوپیٹرا
متعلقہ مضامین
