راولپنڈی ۔ 21 اگست (اے پی پی) وفاقی وزیر ریلوے شیخ رشید احمد آکھیے جوسعودی عرب اتے پاکستان ہک جان ڈو دل ہن ، ریلوے ری سٹرکچرنگ چار ہفتے توں پہلے تھی ویسی ،وڈا کم ایم ایل ون دا اے،جیڑھا انقلاب گھن آسی تے اے انقلاب پاکستان دی تقدیر بدال ڈیسی ۔اے گال وفاقی وزیر ریلوے شیخ رشید احمد جمعے کوںپوسٹ گریجویٹ کالج خواتین، صدر دے افتتاح دے موقع تے منعقدہ جلسے توں خطاب تے بعد اچ میڈیا نال گال مہاڑ کریندے ہوئیں آکھی اے ۔ 1.5لکھ لوکاں کوں روزگار ڈیسی تے ایندے تے کوئی کراسنگ کائناں ہوسی ،عثمان بزدار قائم دائم رہسن ،چین دے نال ریلوے ٹریک دے قیام دی مفاہمت دی یاداشت دا معاہدہ تھی گے جیرھا جو بی او ٹی دی بنیاد تے ہوسی ،لئی ایکسپریس وے دے حوالے نال کوئی رکاوٹ کائنی ،ساری فزیبلٹی بنڑ گئی اے ،پی سی ون بنڑ گے ،شہباز شریف کوں مریم پھسیندی پئی اے ،انشاءاللہ اٹا کھنڈ وی سستا تھیونڑ ویندا پئے ،اٹا امپورٹ کیتے کھنڈ وی امپورٹ کرنڑ ویندے پیوں ،سارے ذخیرہ اندوزاں کوں تباہ و برباد کرڈیسوں ،بے شک اساکوں امپورٹ کیتی ہوئی کھنڈ سبسڈی ڈے تے سستی ویچنڑیں پئی گی تاں ڈیسوں لیکن ذخیرہ اندوزی کوں مکا ڈیسوں ،جتھاں تئیں اپوزیشن دی بات اے فضل الرحمن تحریری معاہدہ دی درخواست کیتی اے تے آکھیے جو میڈے نال وعدہ کرو میکوں چھوڑ تے کائناں ویسو،عمران خان کوئی وی وڈا فیصلہ کرسگدن لیکن این آر او منگنڑ آلیں کوں شرمندگی دا سامنڑاں تھیسی ۔انہاں کوں عدالتاں دے ٹرائل توں لنگھنڑاں پوسی ۔ایں موقع تے ایم این اے وفاقی پارلیمانی سیکرٹری شیخ راشد شفیق ، وائس چانسلر پروفیسر ڈاکٹر عالیہ سہیل ،ڈائریکٹر کالجز شیر احمد ستی پرنسپل پوسٹ گریجویٹ کالج برائے خواتین صدر پروفیسر یاسمین قمر ،ڈویژنل سپرینٹنڈنٹ ریلوے سید منور شاہ اتے مختلف کالجز دی پرنسپل صاحبان اتے اساتذہ وی موجود ہن۔
سعودی عرب اتے پاکستان ہک جان ڈو دل ہن ، ریلوے ری سٹرکچرنگ چار ہفتے توں پہلے تھی ویسی ،وڈا کم ایم ایل ون دا اے ، وفاقی وزیر ریلوے شیخ رشید احمد
مضمون کا ماخذ : پشاور لاٹری
متعلقہ مضامین
