اسلام آباد ۔ 28 اگست (اے پی پی) وزیراعظم دی معاون خصوصی اطلاعات ونشریات ڈاکٹر فرودس عاشق اعوان آکھیے جو پاکستان دا کشمیریاں نال روح تے جسم دا رشتہ اے ،اج کشمیر زخمی تے لہولہو اے ، جمعے کوں سارے پاکستانیاں کوں وزیراعظم دی آواز اچ آواز رلا تے یوم یکجہتی کشمیر مناونڑاں اے ،جمعے دے ڈینھ سارے عوامل تے سول سوسائٹی ڈینھ 12وجے یکجہتی دا اظہار کرن، مسیحی برادری کشمیریاں دے حقوق کیتے پوری دنیا اچ آواز بلند کرے۔ انہاں اے گال بدھ کوں اتھاں شجرکاری مہم دے حوالے نال تقریب نال خطاب کریندے ہوئیں آکھی اے ۔انہاں آکھیے جو یوم یکجہتی دے موقع تے پوری قوم کٹھی تھی تے دنیا اچ کشمیریاں نال یکجہتی دا پیغام پجاوے ،پاکستانی بال جمعے کوںکشمیری بالاں دے نال اظہار یکجہتی کرن ، ہر عمر اتے شعبے دے لوک جمعے کوں کشمیریاں دے نال اظہار یکجہتی کرن ۔ ڈاکٹر فردوس عاشق اعوان آکھیے جو کشمیریاں دے حق اتے مودی خلاف ساریاں اقلیتاں ہک مٹھ ہن ، مقبوضہ کشمیر اچ کشمیریاں کوں کرفیو اتے پابندیاں کوں محصور کر ڈتا گے ،انہاں کوں بنیادی سہولتاں توں محروم کرڈتا گے ، نریندر مودی خطے اچ امن دے ماحول کوں خطرے اچ پاڈتے ، وزیراعظم عمران خان دی قیادت اچ اساں دنیا کوں کشمیر دی صورت حال دا ڈسیندے پیوں ۔ ڈاکٹر فردوس عاشق اعوان آکھیے جو نینگر مستقبل دا سرمایہ ہن میڈے سامنڑے طلبہ دی شکل اچ مستقبل دی قیادت، ڈاکٹر اتے انجینئر کھڑن۔ انہاں بالخصوص اقلیت دے حقوق تے زور ڈیندے ہوئیں آکھیے جو پاکستان اچ ساریاں اقلیت کوں تحفظ تے یکساں حقوق قائداعظم دا وژن ہئی ۔ معاون خصوصی آکھیے جو درخت زمین دا حسن ہن ماحول کوں آلودگی توں بچیندن ملک کوں ماحولیاتی آلودگی توں بچاونڑ کیتے حکومت گرین پاکستان مہم شروع کیتی اے ،ساریں کوں ودھ چڑھ تے اپنڑاں حصہ پاونڑاں چاہیدے ۔
پاکستان دا کشمیریاں نال روح اتے جسم دا رشتہ اے، جمعے کوں سارے پاکستانیاں کوں وزیراعظم دی آواز اچ آواز رلا تے یوم یکجہتی کشمیر مناونڑاں اے ، ڈاکٹر فرودس عاشق اعوان
مضمون کا ماخذ : کمپیوٹر لاٹری انعامات
متعلقہ مضامین
