54 زیر حراست لوکاں توں پچھ پریت اچ پلوامہ واقعے نال تعلق ثابت کائنی تھیا، بھارت دے پاسوں نشاندہی کیتیاں گیاں 22جہیں تے کہیں کیمپ دا وجود کائنی ، دفتر خارجہ
اسلام آباد ۔ 28 مارچ (اے پی پی) دفترخارجہ اسلام آباد اچ سفارتی برادری کوں پلوامہ واقعے متعلق پاکستان دی ابتدائی تحقیقات بارے بریفنگ ڈتی۔ اے بریفننگ خمیس کوں وزارت خارجہ اچ تھئی جیں اچ اٹارنی جنرل آف پاکستان ، خارجہ تے داخلہ سیکریٹریاں تے ڈائریکٹر جنرل وفاقی تحقیقاتی ادارہ (ایف آئی اے) شرکت کیتی ۔سفارتکاراں کوں ڈسایا گے جو پاکستان دا اے اقدام پلوامہ حملے بارے بھارت نال تعاون کرنڑ دی ایں عزم نال ہم آہنگ اے ۔انہاں کوں ڈسایا گے جو پاکستان 27 فروری کوں بھارت ولوں ایندے نال دستاویز شیئر کیتے ونجنڑ دے وختی بعد ہک تحقیقاتی ٹیم تشکیل ڈتی تے تحقیقات کیتے کئی لوکاں دی تعیناتی دے علاوہ بھارتی دستاویز دے بنیادی جزو،سوشل میڈیا دے مواد دے تکنیکی پہلواں تے کم دا آغاز وی کیتے ۔انکشاف تھئے جو بھارتی دستاویز 91 صفحات تے 6 حصیں تے مشتمل ہئی ۔جیں اچوں ڈوجھا تے تریجھا حصہ پلوامہ واقعے بارے اے جڈاں جو بئے حصے عمومی الزامات ہن ۔ پاکستان انہاں حصیں تے توجہ کیتی جو پلوامہ دے واقعے متعلق ہن ۔بریفنگ اچ ڈسایا گے جو تحقیقات دے دوران بھارت لوں ڈتی گئی اطلاعات دے سارے پہلواں دا تفصیلی جائزہ گھدا گے جیں اچ عادل ڈار دی ”اعترافی“ ویڈیو ، حملے دی ذمے واری دا ”دعویٰ“ پلوامہ حملے دی اعانت اچ ویڈیو اتے پیغامات شیئر کرنڑکیتے استعمال کیتے ونجنڑ آلے وٹس ایپ اتے ٹیلی گرام نمبرز، کالعدم تنظیم متعلق 90 مشتبہ لوکاں دی فہرست اتے مبینہ تربیتی کیمپاں دے 22 نشاندہی کیتیاں گیاں جہیں شامل ہن ۔بھارت ولوں ڈتے گے جی ایس ایم نمبرز دے رابطے اتے سرگرمیاں دی متعلقہ تفصیلات سمیت ڈیٹا دی فراہمی کیتے سروس پرووائڈر کوں درخواست کیتی گی ۔ امریکی حکومت کوں وی وٹس ایپ نال معاونت دی فراہمی دی درخواست کیتی گی ۔بریفنگ اچ ایں گال تے زور ڈتا گے جو 54 زیر حراست لوکاں توں پچھ گچھ کیتی گی تاں جو ہنڑ تئیں انہاں دا پلوامہ واقعے نال کوئی تعلق ثابت کائنی تھیا ۔دفتر خارجہ آکھیے جو تحقیقات دے عمل کوں جاری رکھنڑکیتے بھارت توں اضافی اطلاعات اتے دستاویزات درکار ہوسن جڈاں جو پاکستان کوں ایں عمل کوں منطقی انجما تئیں پجاونڑکیتے بدستور پرعزم اے۔
دفتر خارجہ دی سفارت کاراں کوں پلوامہ دے واقعہ متعلق ابتدائی تحقیقات دی بریفنگ
مضمون کا ماخذ : خوش قسمت لڑکی
متعلقہ مضامین
