اسلام آباد ۔ 26 اگست (اے پی پی)وزیراعظم دے معاون خصوصی برائے صحت ڈاکٹر ظفرمرزا آکھیے جو صحت سہولت پروگرام دے تحت مظفر آباد جموں تے کشمیر اچ غربت دی لکیر توں تلے زندگی گزارنڑ آلے ترائے لکھ خاندان مفت علاج دیاں سہولتاں توں فائدہ چیسن ۔ تحریک انصاف دی حکومت فلاحی ریاست ولوں ہک بیا سنگ میل عبور کر گھدے ۔اے گال انہاں سنوار کوں مظفر آباد آزاد جموں کشمیر اچ صحت سہولت پروگرام دی افتتاحی تقریب نال خطاب کریندے ہوئیں آکھی اے ۔ ڈاکٹر ظفر مرزا آکھیے جو وزیراعظم دے وژن دے مطابق یونیورسل ہیلتھ کوریج دی رسائی عوام تئیں یقینی بنڑیندے پیوں ۔وزیراعظم عمران خان پسماندہ غریب عوام دا درد دل رکھیندن۔تحریک انصاف دی حکومت تاریخ اچ پہلی واری وسائل انسانی تے خرچ کریندی پئی اے ،حکومت صحت دے شعبے اچ کیتے گے وعدیں دی تکمیل کیتے پرعزم اے ۔گزریل ستر سالاں اچ صحت دے شعبے کوں نظر انداز کیتا گیا حکومت کوں زندگی دے ہر طبقے دا احساس اے ،صحت دے شعبے اچ انقلائی تبدیلیاں گھن آندے پیوں جیں دا عوام نال وعدہ کیتا ہئی ،صحت دیاں بنیادی سہولتاں ڈیونڑ ریاست دی ذمے واری اے ۔صحت انصاف کارڈ غریب عوام کیتے کہیں نعمت توں گھٹ کائنی ۔انہاں آکھیے جو پاکستان دے 48ضلعیں اچ اے پروگرام کامیابی نال جاری اے ۔صحت سہولت دا دائرہ کار پورے ملک تئیں کھنڈایا ویندا پئے ۔
مظفر آباد اچ صحت سہولت پروگرام دا افتتاح، ترائے لکھ غریب خانداناں کوں مفت علاج دیاں سہولتاں ملسن،ڈاکٹر ظفر مرزا
مضمون کا ماخذ : آن لائن لاٹری ٹکٹ
متعلقہ مضامین
