اسلام آباد ۔ 19 مارچ (اے پی پی) پاکستان بھارتی فورسز ولوں مقبوضہ کشمیر اچ بیگناہ کشمیریاں تے وحشیانہ مظالم دی مذمت کریندے ہوئے آکھیے جو بھارت کورونا وائرس پاروں مقبوضہ کشمیر اچ 228ڈینھ توں جاری لاک ڈاﺅن ختم کرے،کورونا تے کٹھیاں کوششاں نال ہی قابو پاتا ونج سگدے،صدر مملکت دے دورہ دا مقصد چین نال اظہار یکجہتی ہا۔اے گالھ ترجمان دفتر خارجہ عائشہ فاروقی ہک بریفنگ اچ آکھی۔ انہاں زور ڈتے جو بیرون ممالک سارے پاکستانی کمیونیٹیز مقامی حکام دی ایڈوائزری دے مطابق اپنڑی اتے بئے لوکاں دی حفاظت کیتے غیر ضروری سفر اتے سماجی رابطیاں تو پرہیز کرن۔اے معمول دی بریفنگ کورونا وائرس روکنڑ دیاں کوششاں سانگے رپورٹرزدے بغیر تھئی اتے سوال جواب دا سلسلہ ای میل تے کیتا گئے۔انہاں تعریف کیتی جو ایں اہم ویلھے میڈیا دا کردار بہوں اہم اے تاں جو کرونا نال نبڑن کیتے کٹھیاں کوششاں کوں یقینی بنڑایا ونجے اتے عوام کوں وی آگاہی ملے جڈاں جو حکومت اتے بئے متعلقہ فریق شہریاں دے تحفظ کیتے مجوزہ طریقہ کار دی نگرانہ کریندے پین۔ انہاں آکھیے جو مختار نامیاں دی تصدیق دے سواساریاں قونصلر سروسز معطل کرڈتیاں گین ،دستاویزت دی تصدیق ہنڑ صرف کوریئر کمپنیاںولوں تھیسی،اے قونصلر سروسزترائے اپریل تئیں معطل رہسی جڈاں جو وزارت خارجہ امور خصوصی سیکرٹری دی نگرانی اچ کورونا وائرس بارے معاون کرائسز مینجمنٹ یونٹ قائم کرڈتے۔
بھارت کورونا وائرس پاروں مقبوضہ کشمیر اچ 228ڈینھ توں جاری لاک ڈاﺅن ختم کرے،کورونا تے کٹھیاں کوششاں نال ہی قابو پاتا ونج سگدے،صدر مملکت دے دورہ دا مقصد چین نال اظہار یکجہتی ہا، ترجمان دفتر خارجہ
مضمون کا ماخذ : مصر کی میراث
متعلقہ مضامین
