پیښور 03فروری(اے پی پی)وزيراعظم شهباز شريف وئېلي دي چې تر كومې مو د ترهګرۍ بشپړه خاتمه كړې نه وي مونږ ته به آرام رانشي٬ وفاقي حكومت به د خېبرپښتونخوا د ترهه ګرۍ مخنيوي څانګې او پوليس لا قوي كولو لپاره زياته نه زياته مرسته كوي دغسې چې په ترهګرۍ په غوره ډول قابو وموندلې شي۔ ده دا خبره د جمعې په ورځ د اېپیکس كمېټۍ غونډې ته په خپل خطاب كښې وكړه۔ وزیراعظم د پېښور ترهګرۍ پېښه كښې د شهيد شويو كسانو كورنيو سره د يو والي څرګندونه وكړه او د وفاقي حكومت لخوا يۍ دوئي لپاره د 20 ٬ 20 لكه او ژوبل شويو له د 5 ٬ 5 لكه روپو مرسته اعلان كړه۔ ده ووئيل په صوبه كښې د ترهګرۍ يوه نوې لړۍ رامخې ته شوې ده چې مخنيوي له به يۍ د امنيتي ادارو استعداد سوا كول وي۔ وزیراعظم د ترهګر لعنت مقابله كولو له د ټولو صوبو ترمينځه د يووالي په حاجت زور راوړو۔ ده د پېښور پېښی په اړه په سوشل ميډيا د روان مهم غندنه كولو سره دا بې بنسټه وګرځولو۔ شهباز شريف د دې عزم پخلے وكړو چې د ترهګرۍ دې پېښې به بشپړه پلټنې وكړې شي او ذمه وار به خپل انجام سره مخ كړې شي۔ ده ووئيل څو كاله وړاندې په ترهګرۍ قابو موندلې شوې وو۔ اولس دا پوښتنه كوي چې ترهګرۍ يو وارې بيا ولې سر پورته كوي؟ ده ووئيل اولس د ترھګرۍ په ضد جنګ كښې يو موټې دے۔ دا د روان وخت مهم ضرورت دے چې ټول سياسي او مذهبي لارښود او قومي ادارې د ترهګرۍ په ضد يو شي۔ ده ووئيل چې تر كومې مو د ترهګرۍ بشپړه خاتمه كړې نه وي مونږ ته به آرام رانشي٬ وزيراعظم ووئيل په تېر وخت كښی د ضرب عضب او ردالفساد په څير عملياتو كښې ځانګړې قربانۍ وركړې شوې٬ پاك پوځ مړانې سره د ترهګرۍ مقابله وكړه او د ترهګرۍ په ضد جنګ كښې يۍ بلها قربانۍ وركړې اولس به د دوئي قربانۍ په زرينو ټكو كښې يادې ساتي۔ ده ووئيل هر يو له به د خپلې ذمه وارۍ په اړه خبره كول وي۔ ده ووئيل د اېن اېف سی ایوارډ لاندې د ترهګرۍ ختمولو له په تېرو 13 كلونو كښې خېبر پښتونخوا ته 417 اربه روپۍ وركړې شوې۔ دا چرته مصرف كړې شوې؟ د دې بايد آډټ وكړے شي۔ وزيراعظم ووئيل د وفاق ذمه واري ده چې صوبو ته وسائل وركړي۔ ده ووئيل دا مهال هېواد معاشي ستونزو سره مخ دې بياهم په څلورو واړو صوبو كښې سی ټی ډی مستحكم كولو له به ګامونه پورته كول وي۔ وزیراعظم ووئيل دا د روان وخت مهم ضرورت دے چې ټول سياسي او مذهبي لارښود او قومي ادارې د ترهګرۍ په ضد يو موټې شي۔ ده ووئيل د روانې مياشتې په 7 مه نېټه مو آل پارټیز کنفرنس (اے پی سی) رابللې دې دغسې چې په پېښو چېلنجونو قابو موندلو له په بېلو تګلارو د خيالاتو څرګندونه وكړې شي۔ پاكستان تحريك انصاف (پي ټي آئي) ته په كنفرنس كښې د ګډون كولو بلنه وركړې شوې ده۔ په دې موقعه د پېښور په ځانمرګي بريد كښې د شهيد شويو كسانو لوړو درجو لپاره فاتحه خواني او دعا وكړې شوه۔
د ترهه ګرۍ تر بشپړه خاتمې به په آرام نه كېښنو٬وفاقي حكومت به د خېبرپښتونخوا د ترهه ګرۍ مخ نيوي څانګې او پوليس لا قوي كولو له زياته نه زياته مرسته كوي۔وزيراعظم محمد شهباز شريف
مضمون کا ماخذ : کمپیوٹر لاٹری کے نمبر
متعلقہ مضامین
