اسلام آباد۔4اپریل (اے پی پی):وزیراعظم عمران خان خبردار کیتے جو کورونا دی تریجھی لہر ٻہوں خطرناک اے ایں کیتے شہری ایس او پیز دی پابندی کرن تے ماسک ضرور پاون ، عوام احتیاط نہ کیتی تے کورونا مزید کھنڈ ڳیا تاں لاک ڈائون سخت کرݨا پوسی جیں توں غریب لوک متاثر تھیسن ، اتوار کوں عوام دی براہ راست راست کالز دا جواب ݙیوݨ توں پہلے ڳال مہاڑ کریندے ہوئیں وزیراعظم عمران خان آکھیے جو او ساریں توں پہلے قوم کوں ہک اہم ڳال آکھݨ چاہندن ، کورونا دی تریجھی لہر ٻہوں خطرناک اے، ایں کیتے عوام کوں تاکید کرینداں جو او ماسک دے بغیر نہ رہن اے ساریں کیتے سوکھا کم اے جو اساں ماسک پاؤں اﷲ تعالیٰ کورونا دی پہلی اتے ݙوجھی لہر دے دوران اساں تے خاص کرم کیتے تے اساکوں بچائے ۔
مضمون کا ماخذ : bolão dupla sena
