اسلام آباد۔17جولائی (اے پی پی):وزیراعظم عمران خان باغ کشمیر اچ جلسے توں خطاب کریندے ہوئیں آکھیے جو کشمیر دا پاکستان نال کیا رشتہ اے او ھے لا الہ الا اللہ ، انہاں آکھیے میں ایں نظریے کوں تساں ساریں دے سامݨے رکھینداں پیاں میں چاہنداں جو تساݙی تربیت تھیوے۔انہاں آکھیے قوم ھک نظریے تے بݨدی اے ۔آپݨے مفاد توں ودھ تے نظریہ کوں ترجیح ݙیوݨ تے قوم بݨدی اے ۔انہاں آکھیے اساݙے لیڈراں علامہ اقبال تے قائد اعظم محمد علی جناح ایں کیتے چالیھ سال ھک جدوجہد کیتی ہئی تے ایندے اچ ساریں توں پہلی چیز انسانیت ہئی۔ انہاں آکھیے اساݙے نبی صلی اللہ علیہ والہ وسلم ریاست مدینہ کوں ساریں توں پہلے ھک فلاحی ریاست بݨایا۔وزیراعظم عمران خان آکھیے جو ریاست ساریں دی ذمے واری ڳھدی جیندے اچ بیوا یتیماں تے مزدوراں دی ، انہاں آکھیے اساں وی ایہا کوشش کریندے پیوں جو کشمیر آزاد تھیوے۔انہاں آکھیے اساں سارے آزاد کشمیر دے لوکاں کوں ہیلتھ انشورنس ݙیسوں۔ہیلتھ انشورنس غریب لوکاں کیتے ساریں توں وݙی نعمت اے ، انہاں آکھیے ایندے نال ݙاہ لکھ روپے تئیں پاکستان اچ کہیں وی جاہ تے علاج کروا سڳسن ، انہاں آکھیے پہلی واری پاکستان دی تاریخ اچ تنخواہ دار طبقے کوں سستے قرضے ݙیسن اساں نواں پاکستان ہاؤسنگ سکیم گھن تے آیوں ۔انہاں آکھیے اساں ھک نواں پروگرام کامیاب پاکستان گھن تے آیوں جیں اچ غریب لوکاں کوں جیڑھے چالیھ فیصد تلے ہن سستے قرضے بغیر سود دے ݙیسوں اے قرضہ خاندان دا ھک بندہ گھن سڳسی۔انہاں آکھیے اساں پناہ گاہیں بݨائن غریب مزدوراں کیتے جتھاں مفت کھاݨا تے رہائش ݙتی ویندی اے ، اساں اڄ ملک کوں فلاحی ریاست بݨاوݨ دی کوشش کریندے پیوں۔وزیراعظم آکھیے انصاف دے نظام دے بغیر کوئی وی قوم اڳوں تے نی ودھ سڳدی انہاں آکھیے اساݙے نبی صلی اللہ علیہ والہ وسلیم فرمایا ہئی جو میݙی دھی فاطمہ رضی اللہ عنھا وی چوری کریسی تاں اونکوں وی سزا تھیسی ، انہاں آکھیے سارے وݙے وݙے ڈاکو جیڑھے آکھدن جو حکومت اڄ ڈھا ݙیسوں کل ڈھا ݙیسوں اے این آر او منڳدن اے آکھدن جو عمران خان سارا کجھ معاف کرݙیوے ۔غریب کیتے کجھ قانون ہووے تے امیر کیتے کجھ جیڑھا سارا کجھ پہلے تھیندا رہ ڳئے۔
وزیراعظم عمران خان دا کشمیر اچ جلسے توں خطاب
مضمون کا ماخذ : ہرکیولس اور پیگاسس
متعلقہ مضامین
