لاہور۔18جولائی (اے پی پی):گورنر پنجاب چوہدری محمد سرور آکھیے جو احتساب اتے شفافیت اچ چولی دامن دا ساتھ اے،صوبے اچ یونیورسٹیاں دے وائس چانسلرز دے احتساب دا ٹھوس میکنزم ناگزیر اے، پرائیویٹ ممبرز ٻل دے ذریعے نجی یونیورسٹیاں دے قیام دا رجحان ودھیے مگر میں یقین ݙوینداں جو جݙاں تئیں کوئی یونیورسٹی سارے ضروری تقاضے پورے نی کر گھندی تاں اینکوں داخلیں دی اجازت نہ ݙیسوں ، صوبے اچ کہیں یونیورسٹی دے وائس چانسلر دے خلاف کوئی ٹھوس شکایت سامݨے آئی تاں بطور چانسلر میں خود ایندے خلاف تحقیق اتے کارروائی کریسان ، جنسی ہراسمنٹ سنگین مسئلہ اے جیں تے ہرگز کوئی معافی نہ ݙتی ویسی ،سارے وائس چانسلرز کوں ایں حوالے نال واضح ہدایات جاری کرݙتن ۔ اتوار دے ݙینھ اے پی پی نال خصوصی ڳال مہاڑ کریندے ہوئیں انہاں آکھیے جو میں بیوروکریسی کوں آکھیے جو یونیورسٹیاں دے معاملات کوں بلا تاخیر نبیڑیاوںجے تے جݙاں کوئی فائل مہینے تے سالاں تئیں دفتراں اچ پئی رہندی اے تاں سائلین ول ایندا متبادل حل تلاش کرݨ کوں ترجیح ݙیندن ، ایندی ھک مثال نجی یونیورسٹی دی ہے جیں ھک مہینے اچ ازبکستان توں خود کوں چارٹر کراڳھدے ۔ انہاں آکھیے جو ہڑپہ اچ یونیورسٹی آف آرکیا لوجی دا قیام وݙا مفید ہوسی تے میں اے آئیڈیا پنجاب دی جامعات دے سامݨے رکھیساں کیوں جو ہڑپہ اتے ٹیکسلا اچ ہزاراں سال پراݨی تہذیباں دے آثار موجود ہن، دنیا دے سیاحواں اتے سکالرز دی توجہ حاصل کرݨ کیتے اے انقلابی اقدام ہوسی۔
وائس چانسلرز دے احتساب دا میکنزم ناگزیر اے ،جݙاں تئیں یونیورسٹی ضروری تقاضے پورے نی کریندی داخلیں دی اجازت نہ ہوسی ،گورنر پنجاب دا انٹرویو
مضمون کا ماخذ : ایڈونچر کی کتاب
متعلقہ مضامین
