اسلام آباد۔14اگست (اے پی پی):وزیر خارجہ مخدوم شاہ محمود قریشی یوم آزادی تے پاکستان اتے دنیا اچ رہݨ آلے پاکستانیاں کوں یوم آزادی تے مبارخ ݙتی اے ۔ ہفتہ 14 اگست 2021 کوں پاکستان دے 75 ویں یوم آزادی دے موقع تے آپݨے خصوصی بیان اچ وزیر خارجہ آکھیے جو اڄ اساں سارے آزادی منیندے ہوئیں بابائے قوم اتے قیام پاکستان دی جدوجہد کرݨ آلیاں نسلاں کوں خراج عقیدت پیش کریندوں ، انہاں لکھاں مسلماناں کوں خراج تحسین پیش کریندوں جنہاں قیام پاکستان کیتے ہجرت کیتی تے عظیم قربانیاں ݙتیاں۔ انہاں آکھیے اساں بھارت اچ رہ ونڄݨ آلے مسلماناں کوں وی خراج تحسین پیش کریندوں جنہاں توں ݙوجھے درجے دے شہری دا سلوک روا ہے۔ انہاں آکھیے اڄ دے ݙینھ اساں قائداعظم محمد علی جناح دے اصولاں اتے علامہ اقبال دے ھک جمہوری، متحمل اتے ترقی یافتہ ملک دے خواب دی تکمیل کیتے آپݨے عزم دا اعادہ کریندن ۔ مخدوم شاہ محمود قریشی آکھیے جو پاکستان دی تعمیر و ترقی کیتے بھرپور کوششاں کرݨ تے پاکستانی قوم لائق تحسین اے اتے اساں 90 لکھ توں ودھ ٻاہرے ملک رہݨ آلے پاکستانیاں دی وطن عزیز کیتے کاوشاں دی وی تعریف کریندوں ۔
وزیر خارجہ شاہ محمود قریشی دی پاکستان اتے پوری دنیا اچ رہݨ آلے پاکستانیاں کوں یوم آزادی دی مبارخ
مضمون کا ماخذ : پشاور لاٹری
متعلقہ مضامین
