اسلام آباد۔14اگست (اے پی پی):صدر مملکت ڈاکٹر عارف علوی نال نیزہ باز ارشد ندیم اتے ویٹ لفٹر طلحہ طالب ملاقات کیتی اے ۔ ہفتے کوں ایوان صدر میڈیا ونگ دی طرفوں جاری بیان موجب صدر مملکت ڈاکٹر عارف علوی نال ٹوکیو اولمپکس اچ حصہ گھنݨ آلے پاکستانی ایتھلیٹس نیزہ باز ارشد ندیم تے ویٹ لفٹر طلحہ طالب ملاقات کیتی ۔ ملاقات اچ وفاقی وزیر بین الصوبائی روابط ڈاکٹر فہمیدہ مرزا وی شریک ہن ۔ صدر مملکت ٹوکیو اولمپکس اچ نمایاں پوزیشن حاصل کرݨ تے ایتھلیٹس دی کارکردگی دی تعریف کیتی ، انہاں آکھیے جو ݙوہیں کھلاڑیاں بہتر کھیݙ ݙکھا تے ملک دا ناں روشن کیتے ۔ صدر مملکت امید ظاہر کیتی جو ایتھلیٹس مستقبل اچ ایندے توں وی بہتر کارکردگی ݙکھیسن ، ایں موقع تے صدر مملکت ڈاکٹر عارف علوی حوصلہ افزائی کیتے ݙوہیں ایتھلیٹس اچ انعامی چیکس وی ݙتے۔
مضمون کا ماخذ : اسلام آباد لاٹری
