راولپنڈی۔30اگست (اے پی پی):یوم دفاع اتے شہداء دی مناسبت نال مسلح افواج دے غازیاں اتے شہداء کوں سلام تے خراج عقیدت پیش کرݨ کیتے مختصر دورانیے دی نویں ویڈیو جاری کر ݙتی ڳئی اے ۔ پاک فوج دے شعبہ تعلقات عامہ دی طرفوں سماجی رابطیں دی ویب سائٹ تے جاری ویڈیو اچ وطن دے محافظاں دیاں قربانیاں کوں اجاگر کیتا ڳئے ۔ ڈی جی آئی ایس پی آرمیجر جنرل بابرافتخار سماجی رابطے دی ویب سائٹ ٹوئٹر تے چوتھی مختصر دورانیے دی ویڈیو جاری کیتی۔ ویڈیو اچ ݙکھایا ڳئے جو ھک فوجی جوان کوں آپݨے پتر دے ڄمݨ دی خبر سرحد تے دفاع وطن دے فرائض پورے کرݨ دے دوران ملدی اے ۔ایندے جوان خوشی دے انہاں لمحات کوں کیویں ونڈیندن ۔ ڈائریکٹر جنرل آئی ایس پی آر ولوں ٹویٹر تے جاری پیغام اچ آکھیے جو یوم دفاع دی مناسبت توں مسلح افواج دے غازیاں اتے انہاں دے خاندان دے عزم اتے حوصلے کوں سلام پیش کریندن ۔ شہدا ، غازیاں اتے انہاں نال جڑیے ہوئے سارے رشتیں کوں سلام، شہدائے پاکستان ساݙا فخر ہن۔
مسلح افواج دے غازیاں اتے شہداء کوں سلام اتے خراج عقیدت پیش کرݨ کیتے مختصر دورانیے دی نویں ویڈیو جاری
مضمون کا ماخذ : estatisticas dupla sena
متعلقہ مضامین
