اسلام آباد۔23ستمبر (اے پی پی):وفاقی وزیر مذہبی امور و بین المذاہب ہم آہنگی ڈاکٹرپیر نور الحق قادری آکھیے جو جبری تبدیلی مذہب کوں روکݨ دا مجوزہ ٻل وزارت انسانی حقوق کوں اعتراضات دے ںال واپس پٹھ ݙتے، کیوں جو تفصیلی جائزے دے بعد فیصلہ کیتا ڳئے جو مجوزہ قانون موجودہ کیفیت اچ شریعت اسلامی اتے بنیادی انسانی و آئینی حقوق توں متصادم اے۔ وزارت مذہبی امور توں جاری بیان موجب وزیر مذہبی امور آکھیے جو اسلامی نظریاتی کونسل دی سفارشات دے بعد ٻہوں سارے اعتراضات دے نال مجوزہ ٻل وزارت انسانی حقوق کوں واپس بھیج ݙتے ۔اعتراضات اچ 18 سال عمر دی شرط ، جج دے سامݨے پیشی اتے 90 ݙینھ انتظار کوں غیر شرعی ، غیر قانونی اتے بنیادی آیئنی حقوق دے منافی قرار ݙتے مجوزہ قانون اسلام قبول کرݨ دی ممانعت کیتے استعمال تھیوݨ دا ݙر اے ۔مجوزہ ٻل مسلم اتے غیر مسلم کمیونٹی اچ منافرت دا باعث بݨسی ۔مذہب دی جبری تبدیلی دی اسلام اچ ہرگز گنجائش کائنی تے اینکوں روکݨ بہر حال ضروری اے۔پاکستان اچ جبری تبدیلی مذہب دے واقعات ٻہوں گھٹ ہن لیکن بدنامی دا باعث ہن۔ وزارت موجب ایں حوالے نال اجلاس وزارت مذہبی امور اچ تھئے جیندے وچ وزیر مذہبی امور پیر نورالحق قادری، چیئرمین اسلامی نظریاتی کونسل ڈاکٹر قبیلہ ایاز، علامہ عارف واحدی سابق ممبر اسلامی نظریاتی کونسل ، صاحبزادہ پیرحسان حسیب الرحمان، ممبر اسلامی نظریاتی کونسل، مفتی گلزار نعیمی،رکن قومی اقلیتی کمیشن سودھے وزارت مذہبی امور اتے اسلامی نظریاتی کونسل دے شعبہ تحقیق و حوالہ جات دے افسران شامل ہن۔
جبری تبدیلی مذہب کوں روکݨ دا مجوزہ ٻل وزارت انسانی حقوق کوں اعتراضات دے ںال واپس پٹھ ݙتے ، وفاقی وزیر مذہبی امور و بین المذاہب ہم آہنگی ڈاکٹرپیر نور الحق قادری
مضمون کا ماخذ : bolão lotofácil
متعلقہ مضامین
