اسلام آباد۔16اکتوبر (اے پی پی):وفاقی وزیر اطلاعات و نشریات سینیٹر شبلی فرازآکھیے جواپوزیشن دا ڈوڑا معیار تے منافقت کائناں چلسی ، مسلم لیگ (ن) اتے پیپلزپارٹی فیملی لمیٹڈ کمپنیاں ہن، انہاں دے موسمی نظریے پن توں قوم واقف اے ،انہاں دا مفاد مہانگ گھٹ کرنڑ تے قوم دی بھلائی کائنی بلکہ آپ دی کرپشن لکاونڑ اے ، معیشت اتے اداریں کوں تباہ کرنڑ آلے ملکاں کوں لٹنڑ آلے پارلیمنٹ اچ کوڑ مارنڑ آلے ہنڑ جمہوریت دی چیمپئن بنڑ گئن ِِ، ماضی اچ ہک ڈوجھے کوں چور چور آکھنڑ آلیں کوں پنجاب حکومت رومال وی ڈیوے تاں جو او آپ دے منہ لکاون ، گوجرانوالہ سٹیڈیم بھرنڑ کیتے انہاں ادھے سٹیڈیم تے سٹیج بنڑا ڈتے ، آپنڑے دور اچ انہاں ووٹ دی عزت دا نی نوٹ دی عزت دا خیال کیتا، اساں ملک کوں چوراں دے وکیڑ اچوں کڈھنڑاں اے ،اج ملک اچ مہانگ وی انہاں دیاں پالیسیاں دا نتیجہ اے ، مولانا فضل الرحمن دا پتر جت ونجے تاں ٹھیک ، خود ہر ونجے تاں الیکشن غلط اے، عدالتاں انہاں دے حق اچ فیصلہ کرن تاں ٹھیک نتاں غلط سمجھدن ، اے ناکام تھیسن تے کڈاہیں ول نہ آسگسن ، انہاں دی سیاست مک گئی اے ،ملک اچ مہانگ اے لیکن چنگاں ویلھا آونڑ آلا اے ، اگلے ڈو چار ہفتیں اچ صورتحال اچ بہتری نظر آسی ۔اے گال انہاں سنوار کوں سینیٹ اچ پالیسی بیان ڈیندے ہوئیں آکھی اے ۔ سینیٹر شبلی فراز آکھیا جو کل اساڈی بہادر فوج دے اہلکار شہید تھئے انہاں کوں خراج عقیدت پیش کریندوں ۔ 19سال دی ہک غیر روایتی جنگ نال کامیابی نال نبڑیوں اتے حالی اے سفر جاری اے ۔ایں ویلھے ہائبرڈ وار جاری اے ایندا بنیادی مقصد بے یقینی تے مایوسی کھنڈاونڑ اے ۔
اپوزیشن دا ڈوڑا معیار تے منافقت کائناں چلسی ، مسلم لیگ (ن) اتے پیپلزپارٹی فیملی لمیٹڈ کمپنیاں ہن ،وفاقی وزیر اطلاعات و نشریات سینیٹر شبلی فراز
مضمون کا ماخذ : سشی ایکسپریس
متعلقہ مضامین
