لاہور۔1دسمبر(اے پی پی) وزیرِاعظم محمد شہباز شریف خیبر پختونخوا دے ضلع بنوں اتے خیبراچ فتنہ الخوارج دے خلاف کامیاب آپریشن تے سیکیورٹی فورسز دے افسراں تے اہلکاراں دی تحسین کریندے آکھیے دہشتگردی دی عفریت دے ملک توں منڈھوں خاتمے تئیں جنگ جاری رکھیسوں ،دہشتگردی دے خلاف ایں جنگ اچ پوری قوم افواج پاکستان دے رلے کھڑی اے۔ وزیراعظم آفس دے میڈیا ونگ توں ج??ری بیان موجب وزیراع??م 8??وارج کوں جہنم واصل کرݨ تے 11 کوں زخمی کرتے حراست اچ گھنݨ تے سیکیورٹی فورسز دی پیشہ ورانہ صلاحیتاں دی تعریف کیتی۔وزیراعظم آپریشن دے دوران جامِ شہادت نوش کرݨ آلے کیپٹن محمد زہیب الدین اتے سپاہی افتخار حسین کوں خراج عقیدت پیش کیتا۔وزیرِاعظم پاک فوج دے شہداء دے اُچے درجات تے انہاں دے گھر آلیں سانقے صبر دی دعا منڳی ۔وزیراعظم آکھیے دہشتگردی دی عفریت دے ملک توں منڈھوں مکݨ تعیں ایں دے خلاف جنگ جاری رکھیسوں ،پاک فوج دے افسرا تے اہلکار اپݨی جان دی پرواہ کیتے بغیر ملک دی دشمناں توں حفاظت اچ مصروف عمل ہن میں سودھے پوری قوم کوں پاک فوج دے بہادر افسراں تے نینگراں تےماݨ اے ۔وزیرِاعظم آکھیے پاکستانی قوم اپݨے شہداء دی قربانیاں کوں کݙاہیں بُھلا نی سڳدی ،دہشتگرداں تے ملک دشمناں دے پاکستان اچ انتشار دے ناپاک عزائم کوں کݙاہیں کامیاب نہ تھیوݨ ݙیسوں ۔وزیرِاعظم آکھیے آپݨے مستقبل کوں ایں ملک تے نچھاور کرݨ آلے جری و بہادر جوان اتے ایثار دے جذبے توں سرشار انھاں دے گھرآلے پوری پاکستانی قوم دا ماݨ ہن،دہشتگردی دے خلاف ایں جنگ اچ پوری قوم افواج پاکستان دےرلے کھڑی اے۔
.jpg)