اسلام آباد ۔ 16 مارچ (اے پی پی) قائمقام صدر محمد صاد ق سنجرانی ملک اچ کورونا وائرس دی ودھی بیماری دے کھنڈنڑ کوں روکنڑ کیتے حفاظتی تدبیر اختیار کرنڑتے زور ڈیندے ہوئیں اپنڑے ویڈیو پیغام اچ آکھیے جو اساں ساریں دی سماجی تے معاشرتی ذمے واری اے جو ودھ توں ودھ احتیاط کروں تے جتنا وی تھی سگے ہک ڈوجھے کوں ہتھ نہ ملاﺅں تے بھاکل وی نہ پاﺅں ۔ فاصلے تے رہ تے گال کروں ۔انہاں آکھیے جو اے احتیاط کرنڑ نال موذی بیماری توں خود کوں تے اپنڑے گھر آلیں کوں بچایا ونج سگدے ۔ محمد صادق سنجرانی پوری قوم توں اپیل کیتی اے جو او منگل 17 مارچ 2020سویلے ساڈھے ڈاہ وجے اللہ سئیں توں کٹھے رل تے دعا کروں ۔قائمقام صدر محمد صادق سنجرانی آکھیے جو احتیاط کرنڑ وائرس دے ودھدے خطرے پاروں لازمی تھی گے ۔
مضمون کا ماخذ : لاتعداد وشال پانڈا
