اسلام آباد۔15فروری(اے پی پی) وفاقي وزير سېنېټر محمد اسحاق ډار وئيلي دي چې د 170 اربه محصولاتو سره به د هېواد معيشت استحكام ومومي٬ نوې ټېكسونو سره به عام وګړې نه اغېزمن كېږي٬ بلكې د امراﺀ لګژري څيزونه به ګران شي٬ ټول ګوندونه دې په ګډه ميثاق معيشت وكړي دغسې چې رياست خپل سفر روان وساتلې شي٬ د مسلم ليګ په دور كښې پاكستان په جي 20 هېوادونو كښې شاملېدو پلو روان وو خو د بده مرغه مونږ په كال 2022 كښې د نړۍ 47 م معيشت وګرځېدؤ٬ د معاشي تنزل حالاتو معلومولو له دې قومي كمېشن جوړ كړے شي ٬ د معاشي اصلاحاتو په نتيجه كښې زمونږ د جي ډي پي او پرمختګ شرح به ښه شي۔ د شورؤ په ورځ په قومي اسمبلۍ كښې د مالی ضمنی بل 2023 وړاندې كولو څخه وروستو خپلو خبرو كښې اسحاق ډار ووئيل د مسلم ليګ (ن) په دور كښې په جي ډي بي كښې د 112 ډالرو اضافه وشوه او د پي ټي آئي ناقصو پالېسيو د لاسه دا اضافه 26 اربه ډالره وه۔ په كال 2013 كښې چې كله پاكستان مسلم ليګ حكومت ترلاسه كړو نو سړي سر آمدن 1389 ډالر وو٬ د مسلم ليګ (ن) د پالېسيو په نتيجه كښې دا 1700 ډالر ته ورسېد ٬ د پي ټي آئي حكومت په دې كښې يوازې د 30 ډالرو اضافه وكړې شوه۔ ده ووئيل د مسلم ليګ نون په دور كښې كمې قرضې واخستې شوې ٬ زمونږ په دور كښې قرضې 24953 اربه روپۍ وې ٬ پي ټي آئي د دې حجم زياتولو سره دا 52000 اربه روپو ته ورسولې چې له امله يۍ زمونږ د كلنې ادائيګۍ شرح 5 زره اربه نه زياته شوه۔ د مسلم ليګ په دور كښې پاكستان په جي 20 هېوادونو كښې شاملېدو پلو روان وو خو د بده مرغه مونږ په كال 2022 كښې د نړۍ 47 م معيشت وګرځېدؤ۔ ده غوښتنه وكړه چې د دې معاشي تنزلۍ اساب معلومولو له دې قومي كمېشن جوړ كړے شي دغسې چې اولس ته حقائق معلوم شي۔ ده ووئيل تجارتي خساره 40 اربه ډالره ته رسېدلې ده كومه چې زمونږ په دور كښې كمه وه۔ ده ووئيل د موجوده حكومت معاشي اقدامات روان وو٬ د هېواد د تاريخ تر ټولو سخت سېلاب راغلو چې ورسره 3 كروړه 30 لكه نه زيات وګړي اغېزمن شول٬ نړيوالو ادارو ددې تباهۍ تخمينه 8 زره اربه روپۍ لګولې ده۔ ده ووئيل په كال 2019 كښې عمران خان چې آئي اېم اېف سره كومه لوظنامه وكړه هغه د حكومت نه بلكې د رياست لوظنامه وه٬ وروستو عمران خان د هغې نه شاته شو۔ ده ووئيل مونږ له به دا خبره ذهن كښې ساتل وي چې كه رياست وي نو سياست به وي۔ ده ووئيل د دې بل د لارې د 170 اربه روپو محصولاتو ټېكس لګول دي٬ د آئي اېم اېف ډلې د اېف بي آر په كاركردګۍ د اطمينان څرګندونه كړې ده۔ ده ووئيل اضافی محصولات د حكومت كاركردګۍ سره هېڅ تعلق نه لري۔ د برېښنا غلا ٬ لائن لاسز او د بلونو د رېكورۍ په مد كښې د 14 سوه اربه نقصانات دي ٬ داسې نقصانونه كوم هم هېواد پورته كولې نه شي۔ ده ووئيل زمونږ تېر حكومت په ګرځنده قرضو كښې كمي له ګامونه پورته كړل خو د پي ټي آئي حكومت د 1100 اربه روپو ګرځنده قرضې زياتولو سره دا تر 2467 اربه روپو ورسولې۔ ده ووئيل په دې صورتحال كښې ګرانې پرېكړې كول ضروري دي۔ ده ووئيل وفاقی کابینې د 170 اربه روپو ټېكس لګولو منظوري وركړې ده٬ د روزانه استعمال په څيزونو او په عامو وګړو به ټېكس لګولې نه شي۔ حكومت د شتمندو په لګژري آئټمز د جی اېس ټی شرحې 25 فیصد كولو او په فرسټ او بزنس کلاس كښې په سفر كوؤنكو د 20 فیصده ډيوټي لګولو پرېكړه كړې ده۔ دغسې د واده د دستورو سادګۍ سره كولو ته وده وركولو له د 10 فيصده ود هولډنګ ټېكس لګولو پرېكړه شوې ده۔ ده ووئيل په سګرېټ ٬مشروباتو فېډرل اېكسائز ډيوټي زياتولې شي۔ په سيمنټ اېكسائز ډيوټي 1.50 روپۍ څخه زياتولو سره د كلوګرام په سر 2 روپۍ كړې شوې ده۔ ده ووئيل د جي اېس ټي شرح 17 څخه زياتولو سره 18 فيصده كړې شوې ده۔ په ښكاره مېوؤ ٬ غوښه ٬ دالونو او د روزانه استعمال په څيزونو به ټېكس لګولې نه شي۔ ده ووئيل بې نظير انكم سپورټ پروګرام له بېل كړې شوي رقم كښې 40 اربه اضافه كولې شي۔ دا به 360 اربه څخه زياتولو سره 400 اربه ته ورسي۔ په دې لړ كښې وزيراعظم شهباز شريف به په يو څو ورځو كښې د اولس باور ترلاسه كړي۔ ده ووئيل د دې اصلاحاتو په نتيجه كښې به معاشي استحكام راشي او د پرمختګ عمل به پېل شي۔ ده ووئيل كابينه به خپل مصاريف كم كړي۔ ده ووئيل د كركيلې څانګه په كم وخت كښې د هېواد د معيشت بهتر كولو صلاحيت لري او له دې كبله وزيراعظم د 2000 اربه روپو كسان پېكج اعلان كړے دے۔ ده ووئيل دې څانګې له د 1819 اربه روپو د كركيلې قرضو كښې 1000 اربه څخه د زياتو روپو قرضې وركړې شوي دي۔ د روان كال په مهال زرعي مشينرۍ له سبسډي او آسانې قرضې وركولې شي۔ ده ووئيل د یوریا سرې بيعې ټيټې ساتلو له به د 30 اربه روپو سبسډي وركولې شي۔ ده ووئيل د روان كال په مهال به 75 زره شمسي توان ټيوب لګولې شي۔ د آئي ټي څانګې له د خصوصي مراعاتو اعلان كولو سره وفاقي وزير ووئيل دې څانګې سره پېوست خلق به اوس 35 فيصد رقم په خپل اكاؤنټ كښې اېښودلې شي۔ وفاقي وزير ووئيل ما كال 2013 څخه تر 2017 چې كوم بجټ وړاندې كړو ما په هغې كښې ټول عمري له د قومي اقتصادي ايجنډې د جوړولو خبره كړې ده۔ ده ووئيل حكومت كه د هر چا وي د هېواد په اكنامك چارټر كښې بايد بدلون ونكړې شي۔ ده ووئيل په كال 2013 كښې داسې صورتحال وو ٬ خو په درې كالو كښې پاكستان د نړۍ څلورم معيشت جوړ شو۔ ده ووئيل د ميثاق جمهوريت لاندې حكومت كه د كوم هم ګوند وي رياست بايد خپل سفر روان وساتي۔ ده ووئيل مونږ د اتومي چاؤدنو كولو په وخت د نړۍ ټكونو سره مخامخ شؤ٬ مالي ستونزې مو وليدلې۔ پاك پروردګار مونږ د دغه مصيبت څخه بهر كړؤ۔ ده ووئيل مونږ ټولو له به يو موټې كېدو سره دا عهد كول وي چې څنګه يو قومي سوچ خپلولو سره هېواد مخ په وړاندې بوتلل دي۔ ده هيله څرګنده كړه چې د معاشي اصلاحاتو په نتيجه كښې به زمونږ جي ډي پي او د پرمختګ شرح ښه شي
د 170 اربه روپو محصولاتو سره به د هېواد معيشت استحكام ومومي٬ نوې ټېكسونو سره به عام وګړے نه اغېزمن كېږيي۔ د خزانې وفاقي وزير سېنېټر اسحاق ډار په قومي اسمبلۍ كښې د خيالاتو څرګندونه
مضمون کا ماخذ : کمپیوٹر لاٹری کے اعدادوشمار
متعلقہ مضامین
