اسلام آباد ۔ 15 مئی (اے پی پی) وزیر خارجہ مخدوم شاہ محمود قریشی وزیر اعظم عمران خان دے مجوزہ ”گلوبل ڈیٹ ریلیف” بارے جاپانی وزیر خارجہ کوں تفصیل دیندے امید کیتی اے جو جاپان جی۔7 ، جی۔20دارکن ہوونڑ پاروں گلوبل ڈیٹ ریلیف دی تجویزکیتے اپنڑا چنگاں کردارادا کریسی۔اے گالھ انہاں اپنڑے جاپانی ہم منصب توشی مِٹسو موٹیجی نال ٹیلی فون تےءالویندے آکھی۔انہاں ڈوطرفہ تعلقات،اہم امور سودھا کرونا دی صورتحال نال کٹھے نبڑن تے اتفاق کیتے۔ ترجمان دفتر خارجہ ومجب وزیر خارجہ کرونا دے خلاف جاپانی حکومت دے موثر اقدامات دی تعریف کیتی اتے جاپان اچ ایں سانگے جانی زیان تے افسوس کیتے۔انہاں کورونا وائرس اتے ٹڈی دل حملے اچ پاکستان دا ہتھ ونداونڑ تے جاپانی حکومت دا شکریہ اداکیتے۔ انہاں کرونا نال نبڑن کیتے پاکستان دی حکومت دے اقدامات خاص کر کرونا نال متاثرہ لوکاں دی مدد کیتے وزیراعظم دے احساس ایمرجنسی کیش پروگرام دے فیدے بارے ڈسایا۔وزیر خارجہ اپنڑے جاپانی ہم منصب کو ںمقبوضہ جموں و کشمیر دی تشویشناک صورتحال ڈسائی اتے بھارتی مطالم توں پردہ چیندے زور ڈتے جو جاپان مظلوم کشمیریاں دی مدد کیتے آواز چاوے۔
امید اے جاپان جی۔7 ، جی۔20دارکن ہوونڑ پاروں گلوبل ڈیٹ ریلیف دی تجویزکیتے اپنڑا چنگاں کردارادا کریسی،وزیر خارجہ مخدوم شاہ محمود قریشی دی جاپانی ہم منصب نال گالھ مہاڑ
مضمون کا ماخذ : ولف گولڈ
متعلقہ مضامین
