گلگت۔2دسمبر (اے پی پی):وزیراعظم ع??ران خان آکھیے جو پی ڈی ایم دے رہنما اپݨی چوری بچاوݨ کیتے جلسے کریندے پن ،اے چوری دا پیسہ بچاوݨ کیتے کݙاہیں جیلاں اچ ویندن کݙاہیں ٻاہرلے ملک بھڄ ویندن اتے انہاں دیاں اولاداں کوں وی اے کوڑ مارݨے پوندے پن ، عوامی نمائندے پیسیہ کماوݨ دی بجائے عوام دی خدمت کوں اپنا شعار بݨاوم تے گلگت ??لت??تان دے عوام دی زندگیاں بدالݨ کیتے آپݨیاں کوششاں تے صلاحیتاں کوں بروئے کار ڳھن آون تے گورننس دا اعلیٰ معیارقائم کرن، صحت کارڈاتے احساس پروگرام دا دائرہ کار گلگت ??لت??تان تئیں ودھایا ویسی ، سیاحت دے ودھارے کیتے سستے قرضے ݙتے ویسن، ہائیڈرو الیکٹرک دے نال خصوصی اقتصادی زون بݨیسوں ۔ اے ڳالھ انھاں ٻدھ کوں گلگت ??لت??تان دی نویں منتخب کابینہ دی تقریب حلف برداری توں خطاب کریندے ہوئیں آکھی اے ۔وزیراعظم ع??ران خان گلگت ??لت??تان دی کابینہ اتے وزیر اعلیٰ کوں انھاں دے انتخاب تے مبارخ ݙتی تے ایں توقع دا اظہار کیتے جو گلگت ??لت??تان اچ ایجھی حکومت ہوسی جیڑھی ہک معیار قائم ک??یسی تے ہک نویں رویت پیسی تے اتے گورننس دا ایجھا بہترین نظام قائم ک??یسی جیں نال گلگت ??لت??تان دے عوام دیاں زندگیاں بدل ویسن۔ انھاں آکھیے جومیں گلگت ??لت??تان دا علاقہ ݙٹھے تے ایندے توں واقف ھاں ،اوں ویلھے توں اتھاں آندا پیاں جݙاں قراقرم ہائی وے وی کائناں ہئی۔ میں ایں علاقے دے مسئلے تے ایندے اچ موجود پوٹینشل توں آگاہ ہم۔ اساݙی حکومت گلگت ??لت??تان کوں ایجھے پاسے گھن ویسی جتھاں عوام دیاں زندگیاں بدل ویسن ۔انھاں آکھیے جو گلگت دے عوام داحساس محرومی مکاوݨ کیتے صوبائی سٹیٹس ݙیسوں کیوںجو اتھاں دے نینگراں اتے عوام اچ احساس ہئی جو او برابر دے شہری کائنی ایں کیتے اساں نواں سیٹ اپ بݨائے ۔ ہک کمیٹی بݨائی ونڄے جیڑھی جو صوبے دی حیثیت دے حو??لے نال کم ک??یسی ۔انھاں آکھیے جو کامیاب سسٹم او ہوندے جیں اچ عوام اپݨے فیصلے خود کرݨ دا اختیار رکھیندی ہووے ۔
