اسلام آباد۔8مئی (اے پی پی) د اطلاعات او خپرونو وفاقي وزيرې مريم اورنګزېب د پي ټي آئي چيئرمېن عمران خان ته وئيلې دي آئيني حق په ټويټر ٬ لاريونونو او اولسي غونډو كښې نه ترلاسه كېږي٬ د ثبوتونو سره تهاڼې او عدالت ته لاړ شه ٬ تورونه لګول د چا قانوني حق دے نه آئيني٬ شهباز شريف نه له پوښتنې كولو وړاندې عمران خان بايد اولس ته د خپلو سازشونو ځواب وركړي۔ د ګل په ورځ د عمران خان په ټويټ خپل غبرګون كښې وفاقي وزيرې ووئيل حق يواځې د قانون او آئين له مخې وي٬ هر وګړے د خپلو حقونو د تحفظ بشپړ قانوني حق لري او د دې تقاضا دا ده چې تھاڼې او عدالت ته د ثبوت سره لاړ شي۔ دې ووئيل آئيني حق په ټويټر ٬ لاريونونو او اولسي غونډو كښې نه ترلاسه كېږي۔ دې ووئيل عمران خان د 35 پنکچر، 10 اربه، سائفر، امریکائي سازش په څير تورونه ولګول او ثبوتونه يۍ وړاندې نه كړل٬ كه ثبوت لرې نو عدالت ته ولې نه ځې؟ بې بنسټه تورونه لګول ٬ بهتان تړل د چا قانوني حق دے نه آئيني۔ دې ووئيل كله چې په عمران خان وژونكے بريد وشو نو دغه وخت په خېبرپښتونخوا او پنجاب كښې د ده خپل حكومت او وزيراعلی وناست ؤ ٬ آيا هغوي په سازش كښې شامل وو؟ د عمران خان په دروغو هغوي اېف آئي آر ولے درج نه كړو؟ مجرمان يۍ ولې ګرفتار نه كړل؟ وفاقي وزيرې ووئيل د میډیا، جج، سیاسی مخالفینو د وژلو سازش په بې نقابه كېدو تا د ځان وژلے كېدو تور په نورو ولګولو۔ واه – كوم تور چې دې په بل لګولے ٬ مجرم ئې په خپله ثابت شوے۔ نورو ته دې غل ډاكو وئيل ٬ خپله ډاكو ثابت شوې۔ د اطاعات وزيرې ووئيل په پاناما كښې د دروغو په وئيلو د شهباز شريف په مقدمه كښې ته د 6 كالو څخه د عدالت مفرور ئې۔ دې ووئيل شهباز شريف څخه پوښتنه كولو څخه وړاندې ته خپله اولس ته د سازشونو ځواب وركړه۔
آئيني حق په ټويټر ٬ لاريونونو او اولسي غونډو كښې نه ترلاسه كېږي٬ د ثبوتونو سره تهاڼې او عدالت ته لاړ شه ٬ تورونه لګول د چا قانوني حق دے نه آئيني٬ د اطلاعات او خپرونو وفاقي وزيرې مريم اورنګزېب د عمران خان په ټويټ غبرګون
مضمون کا ماخذ : میگا ملینز
متعلقہ مضامین
