اسلام آباد ۔ 6 اپریل (اے پی پی) کورونا وائرس تے پارلیمانی کمیٹی دا اجلاس سپیکر قومی اسمبلی اسد قیصر دی زیر صدارت پارلیمنٹ ہاوس اچ تھئے جیندے اچ وزیر خارجہ شاہ محمود قریشی، وزیر خزانہ حماد اظہر، وزیر ریلوے شیخ رشید احمد، سینیٹرشبلی فراز، سینیٹر مشاہد اللہ، سینیٹر غفور حیدری،سینیٹر شیری رحمان اتے رکن قومی اسمبلی راجہ پرویز اشرف شرکت کیتی۔ کمیٹی کوں این ڈی ایم اے دے سربراہ جنرل افضل اتے وزیراعظم دے معاون خصوصی برائے صحت ڈاکٹر ظفر مرزا بریفنگ ڈتی۔ اجلاس نال خطاب اچ سپیکر اسد قیصر آکھیا جو ایں ویلھے ساری سیاسی قیادت کوں ہک مٹھ تھیونڑ دی لوڑھ اے، کرونا نال نبڑن کیتے جامع حکمت عملی تجویز کیتی ونجے۔وزیرخارجہ شاہ محمود قریشی آکھیے جو پارلیمانی کمیٹی دیاں سفارشاں نیشنل کمانڈ اینڈ آپریشن کمیٹی کوں بھیجاں ویسن تاں جو صوبیاں دی صلاح نال ہک جامع حکمت عملی بنڑائی ونج سگے۔وزیر ریونیوحماد اظہر ڈسایا جو وزیراعظم عمران خان دی صدارت اچ نیشنل کوآرڈینیشن کمیٹی دے اجلاس تسلسل نال تھیندے پین اتے صوبیاں دی صلاح نال سارے فیصلے کیتے ویندے پین،وسائلہ شفاف انداز اچ ونڈیندے پین جیندے تے کوئی اعتراض نئیں آیا۔اجلاس کوں بریفنگ اچ چیئرمین این ڈی ایم اے جنرل افضل ڈسایا جو ملک اچ 3800 توں ودھ وینٹی لیٹرہین، 2200سرکاری شعبے اتے بئے نجی شعبے کولو ہین،9 اپریل کوں بئے 500 وینٹی لیٹر پاکستان پج ویسن اتے چین توں وی بئے 2 ہزار وینٹی لیٹر منگوائے گین،29 ہزار حفاظتی کٹس صوبیاں کوں ڈتیاں گین،137 ہسپتال کورونا وائرس کیتے مختص ہین جڈاں جو ملک اچ 22 لیبارٹریاں کم کریندیاں پین،ہنڑ تئیں کرونا دے پینتری ہزار ٹیسٹ تھی چکن۔
کورونا نال نبڑن کیتے پارلیمانی کمیٹی دا اجلاس،صوبیاں دی صلاح نال انسداد کوروناحکمت عملی سانگے سفارشاں نیشنل کمانڈ اینڈ آپریشن کمیٹی کوں بھیجنڑ دا فیصلہ
مضمون کا ماخذ : لوٹیریا وفاقی
متعلقہ مضامین
