اسلام آباد ۔ 16اپریل (اے پی پی) وزیرِ اعظم عمران خان ’ وفاقی وزیر برائے تحفظ خوراک تے تحقیق کوں ہدایت کیتی جو کنڑک اتے بئی لوڑھ دی شہیں دی طلب تے رسد تے نظر رکھی ونجے تانجو ویلھے تے فیصلے تھی سگن اتے ملک دے کہیں حصے اچ خوراک دی گھٹکی نہ تھیوے۔اے گالھیں انہاں خمیس کوں وفاقی وزیر برائے تحفظ خوراک تے تحقیق سید فخر امام نال ملاقات کریندیں ہوئیں آکھی۔ملاقات اچ کنڑک دی سمگلنگ کوں روکنڑ،ٹڈی دل کوں مکاونڑ بارے اقدامات اتے آندے سال معیاری کنڑک دی پیداوار گھنڑ سانگے چنگے بج دے استعمال بارے تجویزاں تے گالھ مہاڑ کیتی گئی ۔ایں موقع تے ٹڈی دل دے خاتمے سانگے کیتے گئے اقدامات تے وزیراعظم کوں بریفنگ ڈتی گئی ۔
مضمون کا ماخذ : عمومی کلیدی الفاظ
