اسلام آباد ۔ 17 فروری (اے پی پی) اقوام متحدہ دے سیکرٹری جنرل انتونیوگوتریس آکھیا جو پاکستان40سالیں توں افغان مہاجرین سانگے اپنڑے در کھلے رکھین،افغانستان اچ امن و امان اچ بہتری نال تعمیر نو اتے بحالی دے کم اچ مدد ملسی،پاکستان پوری دنیا اچ مہاجرین دا ساریاں توں وڈا میزبان ملک اے،افغان مہاجرین دی میزبانی دی کہانی 40سال لمبی اے،اقوام متحدہ دے مہاجرین کنونشن توں کئی سو سال پہلے قرآن پاک اچ برابری دی گالھ کیتی گی ہئی ۔اے گالھیں انہاں سنوار کوں اتھاں افغان مہاجرین بارے عالمی کانفرنس توں خطاب کریندیں ہوئیں آکھی۔ایں موقع تے وزیراعظم عمران خان، مہاجرین سانگے اقوام متحدہ دی ہائی کمشنر فلپو گرینڈی سمیت اہم ملکی اتے عالمی شخصیات وی موجودہن۔انہاں آکھیا جو پاکستان40سالیں توں افغان مہاجرین سانگے اپنڑے در کھلے رکھین،افغانستان اچ امن و امان اچ بہتری نال تعمیر نو اتے بحالی دے کم اچ مدد ملسی۔انہاں آکھیا جو پاکستان اتے ایران ولوں افغان مہاجرین دی میزبانی مفاہمت دی بہترین مثال اے اتے ڈوہیں ملکاں اپنڑے افغان مہاجرین دی جینویں میزبانی کیتی اے اوندی مثال نی ملدی۔انہاں آکھیا جو اساں کوں افغان امن عمل نال تعاون کرنڑاں چاہیدے تانجو پناہ گزیناں دی عزت نال واپسی تھی سگے۔انہاں آکھیا جو اج دی کانفرنس اتے اوندے اچ شریک سارے وفود دی شرکت ایں گالھ داثبوت اے جو اساکوں عالمی سطح تے شراکت داری کرنڑاں پمسی۔
پاکستان40سالیں توں افغان مہاجرین سانگے اپنڑے در کھلے رکھین،افغانستان اچ امن و امان اچ بہتری نال تعمیر نو اتے بحالی دے کم اچ مدد ملسی،اقوام متحدہ دے سیکرٹری جنرل انتونیوگوتریس دا افغان مہاجرین بارے عالمی کانفرنس توں خطاب
مضمون کا ماخذ : como apostar na mega sena
متعلقہ مضامین
