اسلام آباد ۔13 اکتوبر(اے پی پی)وزیراعظم عمران خان ملک بھر اچ” صاف اتے سرسبز و شاداب پاکستان“ مہم دا باضابطہ آغازاسلام آباد دے ہک کالج اچ بوٹا لاءتے کر ڈتے۔ این موقع تے خطاب کریندے ہوئیں وزیراعظم دا آکھنڑ ہا جو پوری قوم خاص کر طلباءوطالبات اتے نینگر صاف اتے سرسبز و شاداب پاکستان مہم اچ اگوانڑ دا کردار ادا کرن،فضائی و زمینی آلودگی سودھے ہر قسم دی آلودگی مکاونڑ، صاف و سر سبز پاکستان ساڈیاں آونڑ آلیاں نسلاں کیتے بہوں ضروری اے،پنج سالان اچ پاکستان یورپی ملکاں آلی کار صاف تھی ویسی،10 ارب درخت لاونڑ اتے ماحولیاتی آلودگی دے مسلے حل تھیونڑ نال ملک اچ موسمیاتی طرز عمل بدل ویسی۔انہان آکھیے جو اے مہم صرف شہران اچ ہی نہ راہسی بھل ایکوں ملک دی ہر وستی، گلی محلے اچ چلایا ویسی، کچی آبادیان صاف رکھیسوں، شہراں اچ سینی ٹیشن اتے فضلہ تلف کرنڑ کون یقینی بنڑایا ویسی۔وزیراعظم عمران خان طالبات اتے استاداں کوں مہم دے زبردست آغاز تے مبارکباد ڈیندے آکھیا جو شوکت خانم کینسر ہسپتال بنڑاونر دی مہم اچ طلبا طالبات دا وڈا کردار اے جئیں اپنڑے کم نال اصل ٹائیگر بنڑ تے ڈکھائے،ہک ناممکن کوں ممکن بنڑا تے طلبہ ہی اے انقلاب گھن آئن،اج کینسر ہسپتالاں دی تعمیر اچ سب توں وڈا حصہ سکول کالج دے بالاں دا اے۔وزیراعظم آکھیے جو اج وی ” صاف اتے سرسبز و شاداب پاکستان“ مہم دی کامیابی اتے ایندی ااگاہی ڈیونڑ کیتے ساکوں سکول کالجاں دے طلبہ طالبات دی لوڑھ اے،کیوں جو اے مہم ساڈیاں آونڑ آلیاں نسلاں دی بقاءکیتے ضروری اے۔انہاں آلودگی دے سنگین اثرات،موسمیاتی تبدیلی دے نقصانات بارے ڈسیندے ہوئیں ایندے مکاونڑ دی اہمیت اتے ایندے نال تھیونڑ آلے ماحول اتے زندگی تے اثرات بارے وی ڈسایا۔انہاں آکھیے جو ملک اچ تبدیلی نینگراں ہی گھن آونڑی اے ساکوں بس اپنڑی سوچ بدلنڑ دی لوڑھ اے،جیکر تساں ارادہ بدھ گھنو تاں کوئی وی کم ناممکن نہ راہسی۔انہاں صفائی مہم کیتے کیتی گئی منصوبہ بندی دے نکات وی طلبہ کوں ڈسائے۔
پوری قوم خاص کر طلباءوطالبات اتے نینگر صاف اتے سرسبز و شاداب پاکستان مہم اچ اگوانڑ دا کردار ادا کرن،وزیراعظم عمران خان
مضمون کا ماخذ : bolão lotofácil
متعلقہ مضامین
