اسلام آباد۔15مئی(اے پی پی)عالمی بینک عالمی سطح تے کوویڈ19 نال نبڑݨ کیتے سماجی تحفظ پروگراماں دی ہک رپورٹ جاری کیتی اے جیکوں لیونگ پیپر آکھیے۔ رپورٹ اچ آکھیا ڳئے جو ڄڳ دے 222 ملاکں اتے ریاستاں کرونا نال نبڑݨ کیتے مارچ 2020 توں مئی 2021 تئیں سماجی تحفظ دے چنڳے پروگرام شروع کیتن اتے ایں سانڳے 3333سماجی تحفظ دے منصوبے بݨاعے ڳین، لوکاں کون فیدہ ݙیوݨ دے حوالے نال پاکستان عالمی سطح تے چوتھے نمبر تے اے اتے 100ملین توں ودھ آبادی کون پروگرام اچ فیدہ ݙیوݨ پاروں عالمی سطح تے پاکستان دا تریڄھا نمبر اے، پاکستان دا احساس ایمرجنسی کیش پروگرام وݙے پروگراماں اچ ہک اے جیکوںو دھ پذیرائی ملی اے، ایں پروگرام منصوبہ بندی دے مقابلے اچ اصل کوریج ریٹ دے لحاظ نال چنڳی کارکردگی ݙکھائی اے، سماجی معاونت دے اقدامات اچ نقد مالی معاونت ہک اہم وسیلہ اے۔ ڳھٹ اتے درمیانی آمدنی آلے ممالک اچ سب توں ودھ اخراجات منگولیا، زمبابوے، بولیویا اتے پاکستان کیتن۔
عالمی بینک احساس ایمرجنسی کیش پروگرام کوں عالمی سطح دے پہلے 4 وݙے سماجی تحفظ پروگراموں اچ رلا ݙتے
مضمون کا ماخذ : سپرمین: فلم
متعلقہ مضامین
