لاہور۔20مئی (اے پی پی):وفاقی وزیر داخلہ شیخ رشید احمد آکھیے جو وزیر اعظم عمران خان کوں کہیں توں کوئی خطرہ کائںی او بحراناں توں سرخرو تھی تے نکلسن،سارے ادارے تے حکومت ھک پیج تے ہن ،حدیبیہ پیپر ملز کیس ݙو توں ترائے ہفتے اچ دائر کرݙتا ویسی ،جہانگیر ترین گروپ بجٹ اچ عمران خان کوں ووٹ ݙیسی ،کوئی تحریک عدم اعتماد کائنی آندی پئی ،پارٹیاں اچ گلے شکوے تھیندے رہندن جیں کوں اساکوں پرے کرݨاں چاہیدے،اپوزیشن وزیر اعظم کوں نی وٹھ سڳدی ۔او خمیس کوں ایف آئی اے ریجنل آفس دے دورے دے موقع تے پریس کانفرنس توں خطاب کریندے پئے ہن ۔وفاقی وزیر آکھیے جو اپوزیشن لیڈر شہباز شریف دا ناں ای سی ایل اچ آئے جیں تے او 15ݙینھ اچ اپیل کرسڳدن یا خود وی وزارت داخلہ اچ پیش تھی سڳدن ۔انہاں آکھیے جو ای سی ایل اچ پنج لوک مفرور ہن جݙاں جو 14ملزمان اچوں 4سلطانی گواہ بݨ چکن ۔وزیر داخلہ آکھیے جو پوری دنیا اچ اپوزیشن لیڈر اپݨے وطن آندن لیکن اے اتھوں بھڄ ویندن ۔انہاں آکھیے جو میکوں موت دے تختے تے بھی لڑکݨاں پووے ملک توں نہ بھجساں ۔
وزیر اعظم عمران خان کوں کہیں توں کوئی خطرہ کائںی او بحراناں توں سرخرو تھی تے نکلسن ، وفاقی وزیر داخلہ شیخ رشید احمد دی پریس کانفرنس
مضمون کا ماخذ : لاٹری کی موبائل ایپ
متعلقہ مضامین
