اسلام آباد ۔ 3 جون (اے پی پی) صدر مملکت ڈاکٹر عارف علوی کورونا جیہے وبائئی مرض نال موثر انداز اچ نبڑنڑ کیتے علاقئی تے عالمی سطح تے مربوط کوششاں دی ضرورت تے زور ڈیندے ہوئیں آکھیے جو پاکستان تے چین دے درمیان دوائیں دے شعبے خاص طور تے متعدی امراض دے خلاف تعاون ودھاونڑ ناگزیر اے ۔ اے گال انہاں بدھ کوں ایوان صدر اچ میجر جنرل ڈاکٹر فیہ ژو دی سربراہی اچ چین دی پیپلزلبریشن آرمی (پی ایل اے) دے طبی ماہرین دے 10 رکنی وفد نال گال مہاڑ کریندے ہوئیں آکھی اے ۔ ایوان صدر دے میڈیا ونگ توں جاری بیان موجب صدر مملکت ڈاکٹر عارف علوی آکھیے جو پاکستان اتے چین کوں دوائیاں دے شعبے خاص طور تے متعدی امراض دے خلاف تعاون ودھاونڑ دی ضرورت اے ۔ اوکھے ویلھے پاکستان دی مدد کیتے چین دی شراکت داری دی تعریف کریندے ہوئیں صدر چین دے عوام تے قیادت ولوں پاکستان دے طبی ماہرین دی مدد کیتے عطیات تے میڈیکل ٹیم بھیجنڑ تے اظہار تشکر کیتا ۔ صدر مملکت آکھیے جو او چینی قیادت ولوں کورونا وائرس تے کامیابی نال قابو پاونڑ کیتے کیتیاں ونجنڑ آلیاں کوششاں نال بہوں متاثر تھئن ، اے کامیابی چین دے صدر شی جن پنگ اتے وزیراعظم لی کی کیانگ دا کریڈٹ اے۔ ڈاکٹر عارف علوی امید ظاہر کیتی جو چین دی میڈیکل ٹیم دے دورہ پاکستان نال ڈوہیں سدار بہار یار ملکاں وچال ڈو پاسے تعلقات کوں پکے تھیسن۔ ملاقات اچ صدر مملکت کوں میجر جنرل ڈاکٹر فیہ ژو دی قیادت اچ چین دے طبی ماہرین ولوںکورونا وباءنال نبڑنڑ کیتے حکمت عملی بارے جامع پریزنٹیشن ڈتی گئی ۔
کورونا جیہے وبائی مرض توں بچنڑ کیتے موثر انداز اچ نبڑنڑ کیتے علاقائی تے عالمی سطح تے مربوط کوششاں دی ضرورت اے ، صدر مملکت ڈاکٹر عارف علوی دی میجر جنرل ڈاکٹر فیہ ژو دی سربراہی اچ چین دی پیپلز لبریشن آرمی دے طبی ماہرین دے وفد نال گال مہاڑ
مضمون کا ماخذ : Aztec خزانے
متعلقہ مضامین
