اسلام آباد۔11نومبر(اے پی پی)وزیراعظم عمران خان دی اڳواݨی اچ مشترکہ مفادات کونسل دا اجلاس تھئے جیندے اچ تریمتیں اتے ٻالاں اچ غذائیت دی کمی دے مسئلہ تے قابو پاوݨ کیتے 350 ارب روپے دا منصوبہ شروع کرݨ تے اتفاق کیتا ڳئے، پنڄ سالہ منصوبہ کیتے 175 ارب روپے وفاقی حکومت ڄڈاں جو ایندے برابر صوبے ݙیسن، توانائی بارے معاملات تے اتفاق رائے سانڳے مشترکہ مفادات کونسل دا آندا اجلاس آندے سال دے پہلے مہینے تھیسی۔ مشترکہ مفادات کونسل اجلاس اچ پنجاب، سندھ، خیبرپختونخوا اتے بلوچستان دے وزراءاعلیٰ شرکت کیتی۔ اجلاس ٻالاں اچ غذائیت دی کمی اتے سٹنٹڈ گروتھ دے مسلے دا سخت نوٹس ڳھدا ڳئے اتے ایں سانڳے منصوبے نال ملک دی 30 فیصد آبادی فیدہ چیسی جیندے اچ ما بنݨ دی عمر دیاں ݙیݙھ کروڑ تریمتیں اتے ݙو سال تئیں دی عمر دے 39 لکھ ٻال شامل ہوسن، حکومت غذائیت آلیاں شئیں ݙیوݨ، نویں اتے اڄوکے ہیلتھ ورکرز دی استعداد ودھاوݨ، ریسرچ اتے مانیٹرنگ دی ذمہ داری نبھیسی ڄݙاں جو صوبے لیڈی ہیلتھ ورکرز، کمیونٹی ہیلتھ ورکرز، متعلقہ آبادی دی نشاندہی، پروگرام مینجمنٹ، ادارہ جاتی انتظام، اعداد و شمار دا تجزیہ اتے تبادلہ نال منصوبہ تے عملدرآمد یقینی بݨیسی۔ اجلاس نال خطاب اچ وزیراعظم عمران خان آکھیا جو توانائی دے معاملات قومی نوعیت دے ہوندن، ایں سانڳے صوبیاں وچال اتفاق رائے ہوݨا چاہیدے تاں جو ایندا فیدہ عوام کوں وی ملے۔
وزیراعظم عمران خان دی اڳواݨی اچ مشترکہ مفادات کونسل دا اجلاس، ملک اچ غذائیت دی کمی تے قابو پاوݨ کیتے 350 ارب روپے دی لاگت دا منصوبہ شروع کرݨ تے اتفاق
مضمون کا ماخذ : لاٹری ایپ ڈاؤن لوڈ کریں
متعلقہ مضامین
