اسلام آباد۔22دسمبر (اے پی پی):وفاقی حکومت ڈرون دے استعمال کیتے ڈرون ریگولیٹری اتھارٹی قائم کرݨ دا فیصلہ کیتے ۔منگل کوں وزیراعظم آفس دے میڈیا ونگ توں جاری بیان موجب وزیراعظم عمران خان کوں ڈرون پالیسی مرتب کرݨ دے حوالے نال وفاقی وزیر سائنس و ٹیکنالوجی چوہدری فواد حسین اعلی سطح دی بریفنگ ݙتی۔وزیر اعظم عمران خان کوں ڈرون ٹیکنالوجی دے مختلف شعبیں اچ پر امن اتے تحقیقی استعمال تے تفصیلی بریفنگ ݙتی ڳئی ۔ وزیر اعظم آکھیے جو ڈرون ٹیکنالوجی دی زراعت، شہری منصوبہ بندی، سکیورٹی اتے امن و عامہ کیتے ٻہوں افادیت اے۔انھاں ایں ضمن اچ قانون سازی تے ریگولیٹری اتھارٹی دے قیام کیتے کمیٹی قائم کرݨ دی ہدایات ݙتن ۔کمیٹی ھک مہینے دے اندر ڈرون ریگولیٹری اتھارٹی دے قانون دا مسودہ وزیراعظم کوں پیش کریسی۔
مضمون کا ماخذ : سشی ایکسپریس
