اسلام آباد ۔ 23 اپریل (اے پی پی) وزیر خارجہ شاہ محمود قریشی آکھیا جو ملک اچ مئی دے چھیکڑ اتے جون دے شروع تئیں کورونا دی وبا عروج تے پجنڑدا ڈر اے،ساکوں تیار رہونڑاں چاہیدے،لوکاں کوں احتیابی تدابیر کرنڑ دی ترغیب ڈیندے پیوں،مقصد ڈر تے خوف کھنڈاونڑ کائنی۔خمیس کوں پاکستان اچ وبائی صورتحال بارے اپنڑے ہک بیان اچ وزیرخارجہ آکھیا جو خلیجی ملکاں اچ اساڈے پاکستانی بہوں تعداد اچ ہن ،اساں انہاں دی اوکھ بارے جانڑدوں اتے چاہندوں جو جلدی انہاں کوں واپسی گھن آﺅں۔انہاں آکھیا جو تیل مارکیٹ اچ مندی پاروں انہاں دے بے روزگار تھیونڑ دا خدشہ اے۔پوری دنیا دی معیشت کوں کورونا پاروں ضیان تھیے۔اساں وی ایں وباءپاروں معاشی دباﺅ ودھ ویسی۔انہاں آکھیا جو ملک اچ مئی دے چھیکڑ اتے جون دے شروع تئیں کورونا دی وبا عروج تے پجنڑدا ڈر اے،مئیں تئیں ٹیسٹنگ دی 20ہزار توں 30ہزار ہر ڈینھ تئیں پج ویسی،ایئرپورٹس کھلنڑ نال ہر ہفتے چھی توں ست ہزار پاکستانیاں کوں وطن واپسی گھن امسوں۔انہاں آکھیا جو ایئرپورٹ تے سکریننگ کیتی ویندی پئی اے،اساڈی ٹیسٹنگ دی استعداد وی ودھدی ویندی اے۔ایئرپورٹس تے قرنطینہ دی سہولت اچ وی ودھارا تھیے۔انہاں آکھیا جو رمضان المبارک شروع تھیونڑ آلا اے اتے لوکاں توں درخواست اے جو او رش آلی جہیں تے نہ ونجن،اتے نماز گھر پڑھن۔
ملک اچ مئی دے چھیکڑ اتے جون دے شروع تئیں کورونا دی وبا عروج تے پجنڑدا ڈر اے،مئی تئیں ٹیسٹنگ دی 20ہزار توں 30ہزار ہر ڈینھ تئیں پج ویسی،وزیرخارجہ شاہ محمود قریشی
مضمون کا ماخذ : جوگوس ڈی لوٹیریا آن لائن
متعلقہ مضامین
