اسلام آباد ۔ 10 مارچ (اے پی پی) وزیر اعظم دے مشیر تجارت عبدالرزاق داود آکھیے جو 18 مہینے دی محنت نال روپیہ مستحکم تھئے ، فروری اچ سالانہ بنیاداں تے برآمدات اچ 13.6فیصد ودھارا تھئے ، سی پیک پاکستان کوں چین اتے وسطی ایشیا دیاں منڈیاں تئیں رسائی ڈیسی ،ایندے نال پاکستان کوں آونڑ آلے سالاں اچ مدد مل ویسی ، حکومت معاشی استحکام کیتے وختی اقدامات کیتن ،ڈوجھا مرحلہ فائنلائز کرڈتے ، اساں صنعتی شعبے اچ تعاون ، پیداواری صلاحیت اچ ودھارے تے جوائنٹ ونچرز دی حوصلہ افزائی کریندے پیوں ۔اے گال انہاں سرمایہ کاری بورڈ دے زیر اہتمام سی پیک اقتصادی زون دے حوالے نال سیمینار نال خطاب کریندے ہوئیں آکھی اے ۔ مشیر تجارت آکھیے جو سی پیک دے اگلے مرحلے اچ زرعی تعاون کوں وی شامل کیتا گے ، ایندے اچ کمرشل تعاون وی شامل اے، زرعی شعبے اچ سرمایہ کاری کیتی ویسی ،انہاں آکھیے جو سی پیک پاکستان دے مفاد اچ ہے ، پاکستان اچ توانائی دا بحران ہئی،چین دی مدد نال ایندے تے قابو پاتے ،ہنڑ وقت صنعت، زراعت اچ تعاون ودھاونڑ دا اے ، ریلوے اچ وی چین دا تعاون چاہندوں ۔ سی پیک بی آر آئی دا حصہ اے۔ انہاں آکھیے جو ایں عرصے اچ بئے ملکاں دی برآمدات اچ کمی تھئی اے مگر پاکستان اچ ودھارا تھئے ،معیشت اچ استحکام آئے ۔
اٹھاراں مہینے دی محنت نال روپیہ مستحکم تھئے ،برآمدات 13.6فیصد ودھ گن ، وزیراعظم دے مشیر تجارت عبدالرزاق داود
مضمون کا ماخذ : لاٹری جیتنے کے طریقے
متعلقہ مضامین
