فيصل آباد 01 اګست (اے پي پي)د پاكستان مسلم ليګ (ن) علما او مشائخ ونګ پنجاب عمومي سېكتر صاحبزاده حافظ محمد امجد وئېلي دي چې د اګست پنځمه نېټه د هندي حكومت لخوا د كشمير خاص حېثيت ختمولو درې كاله په بشپړېدو به فيصل آباد كښې كشميريانو سره په بشپړه ډول د يو والي څرګندونه كولې شي او لاريونونه به ويستلې شي دغسې چې د ملګرو ملتونو پام په كشميريانو د ظلم او ستم پلو راوګرځولې شي۔ اے پي پي سره په خبرو كښې ده ووئيل چې د اګست په پنځمه نېټه د جمعې په ورځ په ټولو جوماتونو كښې به د اجتماعاتو په مهال د كشميريانو سره په ناروا سلوك غږ پورته كولې شي۔ ده ووئيل چې كشمير د پاكستان د ملا تير دې۔ ده ووئيل چې كشميري زمونږ وروڼه او دوه زړونه په يو وجود كښې دي۔ ده ووئيل چې د كشميريانو قربانۍ به په هېڅ صورت كښې بې ضائع نه ځي۔ده ووئيل چې د پاكستان مسلم ليګ(ن)علماﺀ او مشائخ د سيوري لاندې به د هند حكومت په ضد د جمعې په ورځ بشپړه احتجاجي لاريون وباسي چې پكښې به په ګڼ شمېر وګړي كشميري وروڼو سره د يو والي څرګندونه كوي۔ ده ووئيل مونږ د موجوده حكومت او وزيراعظم محمد شهباز شريف په مشرۍ كښې د مقبوضه كشمير په اړه د هغوي د پالېسو تائيد او د دې عزم پخلې كوو چې تر كشمير آزادۍ به خپلې هلې ځلې روانې ساتو۔
فيصل آباد كښې به د اګست 5مه نېټه كشميريانو سره په بشپړه ډول د يووالي څرګندونه كولې شي۔ حافظ محمد امجد
مضمون کا ماخذ : کوئٹہ لاٹری