کراچی دی ترقی پاکستان دی ترقی اے، وفاقی حکومت ایں شہر دے لوکاں دے مسلیں کوں حل کرنڑ اچ اپنڑاں کردار ادا کرنڑ دی کوشش کریندی پئی اے ،وزیراعظم
اسلام آباد ۔ 12 مارچ (اے پی پی) وزیر اعظم عمران خان آکھیے جو کراچی دی ترقی پاکستان دی ترقی اے، ملک دے معاشی مرکز دیاں ترقیاتی ضرورتاں تے عوام کوں پیش آندے مسئلیں دا پورا ادراک اے ایں ضمن اچ وفاقی حکومت اپنڑاں کردار ادا کرنڑ دی کوشش کریندی پئی اے ۔اے گال انہاں گورنر سندھ عمران اسماعیل نال گال مہاڑ کریندے ہوئیں آکھی اے جنہاں خمیس کوں اتھاں وزیراعظم نال ملاقات کیتی اے ۔ ملاقات اچ صوبہ سندھ دی مجموعی صورتحال خصوصاً شہر قائد اچ وفاقی حکومت ولوں ہنڑیں ہی پورے تھیونڑ آلے تے جاری ترقی دے منصوبیں تے گال مہاڑ کیتی گی ۔وزیرِ اعظم کراچی دی عوام دی سہولت اتے ضرورتاں کوں سامنڑے رکھیندے ہوئیں وفاقی حکومت ولوں تکمیل شدہ ترقیاتی منصوبیں دے حوالے نال گورنر سندھ دے کردار دی تعریف کیتی ۔ وزیرِ اعظم آکھیے جو کراچی دی ترقی پاکستان دی ترقی اے ۔ وزیرِ اعظم گورنر سندھ کوں ہدایت کیتی جو کراچی دی عوام دیاں ضرورتاں تے فلاح بہبود کوں سامنڑے رکھیندے ہوئیں بئے ترقیاتی منصوبیں دی وی منصوبہ بندی کیتی ونجے ۔ایں حوالے نال وزیرِ اعظم ہک اجلاس دی صدارت کریسن جیں اچ کراچی دیاں ضرورتاں کوں سامنڑے رکھیندے ہوئیں مزید ترقیاتی منصوبیں دے اجرا تے غور کیتا ویسی
وزیر اعظم عمران خان نال گورنر سندھ عمران اسماعیل دی ملاقات
مضمون کا ماخذ : گنہادورس دا میگا سینا
متعلقہ مضامین
