اسلام آباد 25 ستمبر (اے پي پي) صدر مملکت آصف علي زرداري محفوظ، تل پاتي او ماحول دوست ټرانسپورټ نظام ته ودې وركولو لپاره د پاكستان د عزم پخلي كولو سره وئيلي چې د پاکستان تل پاتي پرمختګ ترلاسه كولو لپاره چين سره په ګډه كار كوٶ چې ورسره به د امن او خوشحالۍ دور پېل شي۔ د ايوان صدر پريس ونګ لخوا د شورو په ورځ د جاري بيان له مخې صدر مملکت دا خبرې په بيجنګ كښې كېدونكې نړيوال تل پاتي ټرانسپورټ فورم كال 2024 ته خپل وېډيو خطاب كښې وكړې۔ صدر مملکت خپله وېنا كښې د ملګرو ملتونو د تل پاتي پرمختګ د هدفونو په وده كښې د چين د لارښودنې كردار ستائنه كولو سره ووئيل چې پاکستان تل پاتي پرمختګ ته وده وركول او سيمه ايز او نړيوال اقتصادي سوكالۍ كښې د چين كردار ته په درنه سترګه ګوري۔ ده د چين صدر شي چن پھنګ په مشرۍ كښې د چين د قامي پرمختګ منصوبو هم ستائنه وكړه۔ صدر مملکت د حکومت لخوا د شويو اقداماتو ذكر كولو سره فورم خبر كړو چې پاکستان مېرمنو لپاره خاص پنك بسونه معرفي كړې دي۔ ده په دې خبره زور رواړو چې د اولس ضرورتونه ترسره كولو لپاره نفراسټرکچر ته اړتيا ده۔ ده ووئيل پاكستان كښې تر كليوالو سيمو د سړكونو رسنه 92 فيصده ته رسېدلے ده او دا به كليوالې آبادۍ د بنيادي خدماتو رسولو كښې مرستياله وګرځي۔ صدر مملکت ووئيل پاکستان د بنيادي ډھانچې تل پاتې پالنې او د موسمياتي بدلون په څير چېلنجز سره مخ دے، تېرو پنځو كلونو كښې تباهي خپرونكو سېلابونو او د سختو بارانونو پشمول موسمي حالاتو د پاكستان د ټرانسپورټ انفراسټركچر ته سخت زيان رسولے دے۔
پاکستان محفوظ، تل پاتي او ماحول دوست ټرانسپورټ نظام ته د ودې وركولو عزم لري: صدر مملکت آصف علي زرداري
مضمون کا ماخذ : loteria de Minas Gerais
متعلقہ مضامین
.jpg)
